Hello !
上回講到參觀完 "淺虫溫泉" 道の駅 , 呢篇繼續 .
攪掂之後一口氣黎到 "青森市" 呢個 "金字塔" .
參觀埋佢就要上船過 "函館" , 其實 "青森" 呢度 , 仲有好多地方未去過 ,
所以呢個 "北海道+青森" 之旅 , 只屬皮毛 , 有機會仲會再黎執漏 ,
參觀埋其他地方 , 今次就玩住咁多先 . ^^
呢度係金字塔 , 個名我改既 , 正確應該係 : 青森縣觀光物產館 ,
13/F有個展望台 , 亦係今程既主打 .
隔離有間Toyota租車 , 夠晒方便 .
入去咯 , 地下係大型購物商場 .
一陣落黎先同佢掃貨 , 依家搵個 "展望台" 入口 .
經過呢間 Pam Pam , 好香呀 .
Wow , 櫻花燈飾 , 好搶鏡既呢 .
終於搵到個展望台入口 , 大人400Yen , 送飲品一杯 .
果陣都幾趕時間 , 講多無謂 , 即刻影相 .
好一條大橋呀 , 黎果程應該有經過 , 不過夜媽媽 , 唔多為意 .
今次由右至左影過去 .
雖然13/F唔算好高 , 不過其他建築物矮 , 所以都幾好風景 .
青森駅在那方 ?
藍天白雲 , 幾好天氣喎 .
呢張同上面果張差唔多 , 重覆左添 , 唔緊要啦 , 當睇多次 .
遠處一片群山 .
莫非就係 "八甲田山" ?
見唔見我部車呢 ? 深D藍色果部就係 ,
順便講埋 , 停車場210Yen .
樓下係一個公園 .
轉過黎向海部份 .
對面雖然有海岸 , 不過應該唔係 "北海道" ,
因為呢度屬於U型位 , 兩旁都有陸地 .
小金字塔 . ^_^ !!
海景叫做 : 陸奧灣 .
海報一張 .
繼續向左影 .
黃色果隻應該係同 "函館" 摩周丸齊名既 "八甲田丸" .
一陣落去再影過 .
隔住玻璃 , 反光添 .
另一邊窗 , 影到小小咋 .
呢度終於影到全船 , 八甲田丸 係退役既 "青函連絡船 ,
今次唔上船參觀咯 .
因為參觀退役既船 , 不如直接搭現役船過 "函館" ,
就係佢喇 , 太遠 ? 唔緊要 , 一陣大把近鏡你睇 .
最後就係無處不在既 "東橫Inn" .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~