2013北海道&青森12天自駕遊(修訂版)D6-20完(秋田天然溫泉晚餐&房間篇)

Hello !

上回講到攪掂晒所有行程 , 呢篇繼續 .

之後直接往酒店 , 沿途個GPS話就到就到 , 

但係磨極都未到 , 去到附近兜了好幾個圈先至搵到間酒店 ,

起初泊部車在第二度 , (以為係酒店範圍)

Check in 時佢問我有冇車 ? 泊嚮邊度 ? 我話泊在後面 , 

佢叫我上房安頓好行李之後 , 落番黎將部車泊入佢專屬停車場 , 

再俾張飛佢蓋印 , 咁樣先至OK喎 , 好呀 ~ 擺低件行李再落黎 .

就係咁 , 擺番個正宗停車場位 , 住客泊車不另收費 .

今晚住1060號房 , 順便講埋 , 呢間酒店有個規矩 ,

就係所有住客都要除鞋放入大堂既Locker裡面 , 

起初入去見到咁多Locker嚮度 , 以為係for "日歸溫泉" 既客人 . 

心諗 : 駛唔駛咁多格數呀 ? 唔通佢地既 "日歸溫泉" 真係咁爆 ?

不過Check in時唔知道 , 因為好多時佢講乜野我都係咁點頭示意明白 ,

其實根本就唔知佢講乜 , 行左去之後 , 佢出黎叫我除鞋放入櫃 ,

果陣先至明白 , 認真樣衰 . haha ... (唔緊要啦 , 不知者不罪嘛)

攪掂晒所有手續之後 , 差唔多P.M.7:30 , 又係晚餐既時候 .

除側面係真正榻榻米坐位之外 , 中間既一律挖個窿要黎放腳 ,

若然食一餐飯既時間都係屈住對腳 , 食完未必起得番身 ,

呢個設計認真體貼 , 我鍾意 !

左右兩邊冇以上設計 , 正宗榻榻米 .

晚餐時間都唔係好多人 , 大把吉位 . (直至我走時都係)

一坐落 , 佢問飲D乜 ? 咁高興 , 梗係啤啤佢啦 .

就係得上圖同隔離咁多檯客 , 夠晒寧靜 .

在 "香港" 唔係咁易食到安樂茶飯 , 隔離總會有人嘈嘈閉 .

今晚晚餐食乜野 ? Book房咁耐都唔記得咯 ,

後尾先諗起係 "魚生飯套餐" , 中午又係食 "海鮮丼" , 

咁又冇乜所謂 , 最緊要好味唶 .  (不過好似細碗左D)

例湯 . (麵豉湯)

雜菜沙律 .

再黎 , 乾一杯 , 乾一杯 , 恭祝友誼 .

大合照 .

由於份量唔算太多 , 好快就食晒 , 返房再介紹一下 .

要插條鎖匙先有電 .

大門口 . (洗手間在側面)

馬桶 , 浴缸及洗手盆等基本設施 .

一陣落溫泉度浸 , 冇用到浴缸 .

唔知係 "空氣清新機" 定係 "加濕機" ?

冷氣 . (都唔駛開啦)

地方淺窄 , 招呼唔到 .

單人床一張 .

窗一個 .

街景聽日先再介紹 .

TV , 雪櫃等齊備 .

Router . (要問櫃檯借)

說明書 .

睇多陣電視 , 就落去浸溫泉 .

攪掂番黎都差唔多要休息 , 今日好疲倦呀 .  ^^ 

仲有 : 個溫泉開到凌晨12:00 , 浸到甩皮都得 .

Bye Bye !

第六日完 . 

P.S. : 差D唔記得 , 今晚酒店叫做 : 

秋田天然温泉 ホテルグランティア秋田SPA RESORT（ルートイングループ)

一泊二食 8200Yen (啤酒另計) .