Hello !
上回講到參觀完 "鰺ヶ沢町" 既明星 , 呢篇繼續 .
下一個目的地就係 "千畳敷" , 大約24分鐘車程到達 .
有位就擺低 , 求其影幾張相就上車 , 點解咁求其呢 ?
因為當時落緊雨 , 而把遮在 "奧尻島" 遺失了 ,
唯有硬食雨點啦 . (頂多今晚先洗頭) >_< !!
呢間叫做 "民宿" 望洋館 , 借佢個車位一用 .
千疊敷海岸隆起生誕200年記念 , 太宰 治 小說 "津輕" .
唔講唔知 , 原來佢就係 "人間失格" 既作者 ,
真係有眼不識泰山 , 失覺晒 !
呢度係 "深浦町" 地帶 .
大町桂月文學碑 .
落去下面影相 .
右手邊 .
左手邊 .
遠處有部車停嚮度 , 駛到咁出 , 認真夠薑 .
出面一片爛泥地 , 我就唔夠膽 , 容乜易俾D泥啜住個轆 .
本來呢度好好影 , 不過又落雨又天陰 ,
所以求其影幾張交差算 , 攪掂就上車 .
天雨路滑 , 唔好開咁快 , 趕時間都係咁話 .
行多10分鐘車 , 到達下一個景點 ,
"道の駅" ふかうら , 燒魷魚村 , 好Cute呀 . ^_^ !!
叫得做 いか焼き村 , 裡面一定有魷魚燒 , 一於入去睇睇 .
呢度入去 . (外面一片烏雲 , 順便避雨)
燒魷魚好似唔多覺 , 不過食品就見唔小 .
一盒盒放嚮度 , 好吸引呀 .
可惜過一陣就往旅館 , 依家食野又唔湯唔水 .
呢D買左都唔識煮 . XD
裡面參觀完畢 , 出番黎影相 , 遠處有個燈塔 .
Zoom近D睇 , 呢個燈塔叫做 : 鳥居崎燈台 .
燈塔隔離 , 仲有座古怪山 .
另一邊都有 , 咁既天色 , 攪到好似睇剪影咁 .
呢個海岸 , 可以就咁行落海 . (好多都可以啦)
海草還是青苔 ?
攪掂走得 , 雖然唔係勁大雨 , 不過長淋都會濕 ,
好彩去到下個景點就停雨 , 果度好正架 , 我鍾意 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~