2013/05/27

2013北海道&青森12天自駕遊(修訂版)D6-19秋田市ポートタワーセリオン篇




Hello !


上回講到參觀完天王 "道の駅" , 呢篇繼續 .

之後立即前往今日最後一個景點 , 攪掂埋就往酒店 .

大約15分鐘車程就到 , 其實遠處已經見到佢 , 

因為佢實在太過搶鏡 , 遠一遠都望到 , 勁呀 !

請打橫睇 .


前面就係 , 轉埋個灣就可以入去 .


呢度叫做 : 秋田市ポートタワーセリオン


黎多張全景 , 又係請打橫睇 .


擺好部車 , 未上得去住 .


咁靚既黃昏景色 , 又點可以錯過呢 .

佢仲識歎 , 邊釣魚邊睇日落 , 夠晒悠閒 .  ^_^ !!


我都睇番陣 , 不過咁既碼頭 , 唔慌有魚啦 , 

用八爪勾加油炸鬼Chok泥鰻好過 . haha ...


隔離有隻海上保安廳既海監船 .


另一邊有間玻璃幕牆既建築物 , 唔知乜野黎既呢 ?


不過都冇時間理佢咯 , 攪掂呢Part先講 ,

本日の日沒時間 : 18時43分 .


展望電梯入口 .


祝セリオン累計展望者數 300萬人達成 , 恭喜晒 . Yeah !


呢張係呢度既簡介 , 9:00 - 21:00 年中無休 , 

最重要係 "展望無料" . 老實講 ~ 即使佢收1000Yen入場費 , 

我都會照俾 , 值得既 .


果然係展望電梯 , 邊上升邊欣賞風景 , 讚呀 !


其實有冇人知道 , 究竟 "道の駅" 呢家野 , 係點樣運作 ?


係由政府出錢興建 , 定抑或私人發展 , 自付盈虧 ?


點解有D咁兜痞 , 一D又咁豪裝 .


不斷思考中 , 原來經已到達 , 高度係100m .


又係老規矩 , 360度環迴咁影過去 . (相片排名不分先後)


呢間係酒店 , 不過唔係入住果間 , 係就唔駛咁趕 .

點解唔揀呢間呢 ? 唔記得咯 ?


比起頭先 "天王" , 呢度更加高 .


由於冇同級數既高樓大廈 , 所以張張都係無敵靚景 .


可惜有些小煙霞 , 唔算太高清 .


不過唔駛錢有展望台睇 , 賺左架啦 .


另一個角度睇下點 ?


海監船 .


Zoom近D睇 , 刺探軍情 , haha ...


秋田港の歷史遺產 .


如有海上事故 , 請致電118 .


當時係18:11 , 太陽已經隱沒於雲中 .


呢個秋田港 , 果然水深港闊 .


停車場仲大把位添 .  ~ ^O^ ~


地方夠晒廣闊 .


再Zoom近D隻海監船 .


南側 . (有晒圖解)


有導賞團喎 , 可惜時間唔配合 .  >_< !!


參觀完畢 , 落番地面 , 有部貨車經過 , 

日本呢度D貨車都有型過人架 , 可惜見唔到大花面貨車 , 

唔知邊區多D呢 ?


再影多幾張添 , "道の駅" 唶 , 駛唔駛咁型呀 .


呢張打橫全景 , 我鍾意 .


上車 , 往酒店方向進發 .


Bye Bye !

P.S. : 果個港塔景 , 礙於篇幅所限 , 未能盡錄 ,

如果有興趣預算去 "秋田" , 記得走番趟 , 現場睇靚好多架 , 切記 !

沒有留言:

發佈留言

歡迎光臨 , 如果時間許可 , 請留番個言丫 ~