Hello !
上回講到上到 "入道崎燈台" , 呢篇繼續 .
終於上到燈塔頂 , 見到盞燈既盧山真面目 .
就係由呢個窗口射D光出去照亮大海 .
睇完機械部份輪到風景區 .
老規矩 , 由右邊掃過左邊 .
一如以往既海邊 , 又係好好風 , 不過唔算離譜 .
除左好風 , 仲好風景添 . Yeah .
遠處有野睇 , 一陣落去影餐飽 . ^^
依家先黎個居高臨下 .
最右邊凹凹地既 ?
原來係一個懸崖峭壁 , 幾勁咁喎 .
呢邊係停車場及商店 .
見唔見我部車呢 ? 藍色車 , 得一部咋 .
燈塔既野 , 有高有矮 , 呢個OK高咁啦 .
見學完畢 , 落番地面 , 黎多個最後介紹 .
向石柱方向行 , 頭先就在燈塔頂影落黎 .
好快就黎到石柱地帶 .
四圍影相 .
北緯40度之地 .
乜野叫做 "北緯40度" 呢 ? 簡單D講即係打橫果條線 .
"北海道" 對下 , 同 "北京" 成一直線 .
呢張相解釋以下既相片 .
直望過去有幾舊大石 .
由呢舊開始直望過去 .
好似咁樣 .
每舊石都有條坑 .
每條坑都成一直線 .
去到最後果舊石 , 如果跟住條坑位直行 ,
就會去到 "北京" , 再不斷直去就會黎番呢度 , 叫做繞場一周 .
好似好有學術性咁 . XD
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~