Hello !
今次呢篇網誌 , 純粹技術研究 ,
大家睇完就算 , 無需深究 .
事發地點就係上篇網誌第九張相果度 .
話說當時上車正準備開車之際 , 突然有部私家車從後而上 .
(因為趕時間入 "白神十二湖" , 所以希望路路暢通)
心諗 : 哎吔 ~ 阻住我條路 , 跟住你先 , 如果行得慢就爬你頭 .
起初都跟得住佢 , 不過一到轉灣就蝕晒位 , 漸漸俾佢放甩 ,
經過幾個灣之後 , 佢直情不知所終 ,
隔一陣先在對面山頭見到佢 . 呢鋪可以話係慘敗 .
~~~~~~~~~~~~~~~~~~~~~~~~~~~~~~~~~~~~~~~
之後檢討點解會輸得咁慘 ? 明明行直路佔到優勢 ,
點解一轉灣就蝕晒位呢 ? 經過反覆思量之下 ,
發現我有一個缺點 , 就係趕時間果陣 ,
入灣通常都係到最後果刻先至踩Brake減速 ,
雖然未轉晒灣就重新踩油 , 不過咁樣一慢一快 , 蝕咁唔小時間 .
咁點樣先可以在灣灣曲曲既路裡面又可以保持到速度呢 ?
就係打後行程要訓練既課題 , 經過幾日練習 ,
都仲未摸索到真正竅門 , 快車呢一門真係博大精深 .
臨轉灣前幾時收油 ? 幾時踩Brake ? 幾時踩油 ? 全部都大有學問 ,
好睇臨場經驗黎判斷 , 所以好難一慨而論 .
而我就先將GPS既畫面擴到最大果隻 , 要黎斷定個灣有幾急 ,
之後試過就咁收油過灣 , 又試過分兩段黎踩Brake ,
數日後自覺進步唔小 , 不過去到 "下北半島" 果頭 ,
又遇到同樣既事 , 今次連直路優勢都冇埋 ,
迅間俾人拋甩 , 輸得相當難睇 . >_< !!
好喇 ~ 呢篇講住咁多先 , 其實都冇乜實際結論 ,
講了等於冇講 , 所以睇完就算就係咁解 . XD
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~