2014北海道11天自駕遊D9-18 北西の丘展望公園篇

Hello !

上回講到參觀完 四季の塔 , 下一站就係 北西の丘展望公園 .

講開呢度就犀利喇 , 搵料果陣經常見到Blog友黎呢度 , 

如果話 富田農場 係 富良野 地標 , 

呢個 北西の丘展望公園 對於 美瑛 黎講 , 亦不遑多讓 .

即係話如果未黎過呢度 , 都唔好話俾人知去過 美瑛 . (純屬我個人意見)

好快就上到黎 , 擺好部車就行得 .  ^_^ !!

停車場隔離有間案內中心 .

之前咪話新款 Axio 外型唔多得既 , 可能果日見到部黑色車 , 

所以影響左D觀感 , 今日見到白色車 , 睇落又唔係咁差 .

車尾都OK掂 , 今鋪幫佢大平反 .  ^^

外面有幾間紀念品店 .

本來都唔想入去 , 不過見到佢寫住 入館無料 , 

諗住姑且入去睇下 , 點知唔入就尤自可 , 一入就 Wow 一聲 .

邊有人可以影到D相咁靚架 , 黐線既咩 . haha ...

結果幫佢買左張海報 , 就係門口果款 , 依家貼在我間房牆上 .

希望日對夜對 , 可以彌補番今次 富良野 冇花睇既遺憾 .  =_= !!

跟住向呢個 金字塔 方向行 .

就係呢個金字塔 , 在Blog友網誌裡面睇到爛咁滯 , 

今次親身遊覽 , 感覺截然不同 , Yeah !!

金字塔型 , 唔錯 ~ 邊位仁兄咁好諗頭 , 讚呀 .

下面有塊石碑 , 寫住 : 地神宮 .

參觀另一邊 , 地方夠晒開揚 .

不如上埋去睇 , 居高臨下 , 應該更加精彩 .  ^^

唔算好高 , 轉一兩圈就到頂 .

果然好睇好多 , 遠處係頭先紀念品店 .

中間D植物只係出左雛形 , 暫時仲未有野睇住 .

Zoom近D睇 .

有部份仲係沙地 .

呢邊直情係泥地 , 跑馬咩 ? haha ...

孤獨的剷泥車 . haha ...

美瑛 呢頭好多樹架 , 下篇就有得睇 .

其實同呢D差唔多唶 , 只不過係有名堂與冇名堂咁解 .

有其他遊客上緊黎 .

停車場車輛唔多 .

落番下面 , 金字塔底部 .

望番上去 , 好似好勁咁 .  XD

觀光案內所 , 左手邊 , 頭先介紹過架啦 .

又兩棵靚樹 .

美瑛 連山介紹 .

美瑛富士 1888m .

睇得多 Google地圖 , 都大概知自己在邊個方位 .

風 ? 

又一塊有待開發既草地 .

咖啡店定係玻璃杯店 ? 都冇入去睇咯 .

兜左個圈上番停車場 , 有單車友喎 , 單車遊 美瑛 , 

之前都聽過 , 真係有人咁做喎 .  ^^

泊在我部車隔離 .

睇落好似幾好玩 , 不過相信都唔會試 .

去埋個洗手間就走得 .

買左張海報放在尾箱 , 咭片寫住 : 阿部 俊一

認住佢咯喎 , D相影得好鬼靚 , 簡直離譜 .

Bye Bye !