Hello !
上回講到參觀完唔多青既 青い池 之後 ,
正式完成今日所有行程 , 可以往旅館 Check in .
今晚住既係 : 白金四季の森 ホテル パークヒルズ
見唔見左下錶板個鐘 , 果陣已經係 P.M.6:41 , 真係好晏 .
擺好部車去櫃檯前 , 攪埋D入住手續就上房 , 今晚住525號房 .
好 ~ 介紹一下間房先 ,
床兩張 , 揀梳化旁邊果張 .
梳化 ~ 電視 ~ 茶几 .
燈 ~ 鏡 ~ 雪櫃 ~ 水煲 .
另一個角度 .
基本上係咁多地方 .
跟住輪到街景 , 個窗可以打開 .
有個蚊帳 . ^^
望多D綠色樹木 , 人都醒神D .
隔離另一幢旅館 . 叫做別館 .
遠處係十勝岳果頭 , 聽日會上山 .
唔知點解唔記得影洗手間 , 算啦 ~ 都係大同小異 .
落去下面食晚餐 , 1/F 丫 , 唔該 . ^^
呢度就係 Check in 大堂 .
前面係紀念品店 .
有部電腦俾人上網 , 不過速度奇慢 , 不上也罷 .
電腦後面有路通往泳池 , 幾正咁喎 .
游水我就唔多好 , 浸溫泉就OK .
參觀完畢 , 夠晒鐘喇 , 呢邊入去啦 .
今次個Plan包啤酒一小時任飲 .
咁就唔好同佢客氣 , 一於飲大佢 . haha ...
下篇介紹有乜野食 .
Bye Bye !
聽晚星期六休息 , 禮拜再上過黎啦 .
沒有留言:
發佈留言
歡迎光臨 , 如果時間許可 , 請留番個言丫 ~