Hello !
上回講到參觀完 ぜるぶの丘 (亞斗夢之丘) 之後 ,
即刻往下一站 , 下一站就犀利喇 , 就係 : 親子之木 .
其實我都唔係太肯定呢度係咪真正既 親子之木 ,
皆因之前好似聽過得三棵樹 , 兩大一細 , 不過今次見到有五棵樹 ,
分別係兩大一中兩細 , 究竟有冇攪錯到呢 ? 不如大家幫幫眼 ,
如果真係攪錯 , 記得指正 . ^_^ !!
呢塊牌寫住前面冇得掉頭 , 依家正在收割中 , 請勿打擾 .
唯有停部車在呢度 , 再慢慢行入去啦 .
向前行中 ... 左右兩邊都有農地 .
一大片泥地 , 種乜野呢 ?
行左一半路程 , 登時覺得中計 , 因為期間有車駛入去 ,
又話唔可以掉頭 ? 呢樣都唔係重點 , 重點係呢攤肥田料 ,
臭到啊媽都唔認得 , 咁啱風向又吹過黎我呢邊 , 認真攞命 . >_< !!
一排過密麻麻既連樹 . (咁霧霾既 , 去左北京 ? )
跟住見到一排疏落既連樹 .
再見多次泥地 .
最後就係 親子之木 .
馬路一條 , 記得駛埋部車入黎 , 唔駛行餐飽 .
用幾個角度黎睇 .
左下角果兩棵係細既 .
即刻就有部車駛過 .
參觀完近鏡 , 之後上番車 , 駛去遠處 , 今次用遠角度黎睇 .
Zoom近小小 , 好似好暗喎 .
黎多張較光小小 .
攪掂 ~ 走得 . 今晚簡簡單單 . ^^
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~