2014北海道11天自駕遊D9-6 美瑛観覧車篇

Hello ! 

上回講到參觀果個 トリックアート美術館 , 

攪掂即刻過隔離 摩天輪 (日本叫佢個 観覧車) , 之後再去埋 深山峠 , 

咁樣先叫做一炮三響食全餐 , 呢篇集中火力寫摩天輪 .

摩天輪腳下有D檔口仔 , 不過大部份都未開工 . (好似下圖咁)

即使開左檔 , 都係冷清清 , 可能係閒日啦 .  =_= !!

木製雕刻品雖然觀賞性好高 , 不過唔係我杯茶 .

收銀機旁寫住 , 本日の営業は終了しました  唔係掛 ? 尋晚收工個牌咋嘛 ? 

迷你展望台 , 唔上去喇 , 用摩天輪黎展望咪仲堅 .  ^^

麵包店 ?

長沼身体均整院 ? 呢度開檔咁既野 , 好似唔多啦更喎 .

好似好勁咁喎 .

觀覽車 ~ 章程與細則 .

如果未買車票可以在呢度買 , 大人600Yen .

我就用套票另一節入場 , 上去咯 .

開始 ~ 好緊張既呢 .  ^^

定員4名 , 門邊有宣傳單張 .

音樂盒有聲出 , 唔鍾意可以熄左佢 .

上升中 .

遠處係停車場 , 距離滿座仲有一大段距離 .

又高左D .

視覺館既屋頂 .

有部車剛剛泊在我部車隔離 , 上張相都未到 , 泊得咁快手 .

由於附近冇高樓大廈 , 個景都唔錯 , 係D玻璃矇左D囉 .

終於都到頂 .

一片泥地 , 仲未插秧 .  >_< !!

另一邊又睇下點 .

都唔好得幾多 , 搵朵花都難 .

唔講唔知 , 上面有舊烏雲 , 走果陣有小小雨 .

個景叫做OK啦 .

又係果句啦 , 如果未坐過都可以一試 , 試過就冇翻單 . 

開始向下 , 下面都係冇乜人 .

另一邊都係咁啦 .

唔知旅行團有冇美術館呢個行程既呢 ?

講講下都差不多到地面 .

攪掂 ~ 走得 .

Bye Bye 喇 , 摩天輪 ~ 

唔好落雨住呀 , 等我影埋 深山峠 先丫 , 唔該 !

聽晚見 .

Bye Bye !