2014北海道11天自駕遊D9-5 美瑛トリックアート美術館篇

Hello !

上回講到參觀完 FlowerLand , 

馬不停蹄即趕下場 , 話都冇咁快就黎到下一站 , 就係 トリックアート美術館 .

呢度係由三個景點集合埋一齊 , 首先有視覺美術館 , 

跟住係隔離既 摩天輪 , 之後係再隔離既 深山峠 .

依家首先參觀 トリックアート美術館 .

裡面地方話大唔大 , 話細亦唔算細 , 叫做有D野睇咁啦 .

今次由右邊至左邊 , 首先見到既係 大衛像 .

跟住係中間 . (亦係入口)

然後係左邊 , 連外牆都玩野 , 視覺館果然名不虛傳 .  ^^

最後就係 摩天輪 , 參觀完視覺館輪到佢 .

入到館裡拎 1500Yen 買飛 , 今次買兩味套票 , 

即係視覺館 & 摩天輪 , (單買是但一個都得 , 不過貴小小)

紫色果張摺埋既咭係用黎遮住一隻眼黎睇 , 咁樣更加3D喎 .

參觀喇 ~ 起初佢又係想出導賞呢招 , 我話唔駛喇 , 

反正都唔知你講乜 , 自己招呼自己就OK .

由於篇幅所限 , 只能夠介紹部份展品 , 仲有好多留待閣下自己入場欣賞 .

另外我影相技術麻麻 , 未能夠影出展品既神髓 , 又係要等你地自己參觀 .

老伯寫書法 , 係咪充滿立體感呢 ?

三文魚 .

煎蛋 .

破牆而出 . haha ...

在參觀期間佢又走過黎話 : 

部份展品要隔遠小小先至可以睇得出佢既立體感 .

尤其係呢個 , 要邊行邊睇 , 又似凹 ~ 又似凸 , 利害 !

豹頭 .

美人出浴 .  ^^

天花板都有展品 .

地下果D都唔好錯過 .

郵筒 .

麻鷹捉魚 .

3D立體工具 .

爆玻璃 .

茶壺 .

相機 .

窗邊貓 .

豬肉 .

最後係鞋一對 , 參觀到呢度都差唔多 , 要轉一轉場 .

過隔離紀念品部繼續參觀 .

D野雖然都好靚 .

不過就唔係咁啱心水囉 .

所以睇完就算 , 冇幫襯 .  XD

出番黎過隔離 摩天輪 .

下篇再見 .

Bye Bye !