2016北海道雪駕遊D4-1 霧多布旅館くりもと早餐篇

Hello !

上回講到食完晚餐抖陣 , 跟手再浸埋溫泉 , 冇耐就瞓覺 ...

一覺醒來就踏入行程第四日 , 由二月尾開始寫到依家 , 

都只係寫左三日既行程 , 之前講過呢度既遊記係大長途 , 果然名不虛傳 , 

以現時既走勢 , 寫晒十一日行程 , 至小要去到七月 (或者唔止) , 

到時再度明年既行程都差唔多時候 . haha ...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

好 ~ 言歸正傳 , 起身梳洗過後 , 第一件事就係影街景 , 

尋晚夜媽媽都冇乜好影 , 依家補番數 , 今次由右邊開始 .

中間 .

左邊 . 

有間 Seicomart 在對面 , 隨時可以補充物資 , 夠晒方便 .

攪掂落去食早餐 , 地方&坐位同尋晚晚餐一樣 . 

Check in 時講埋幾多點落黎 , D野一早預備定 , 埋位就食得 .

日式早餐一Set過 , 唔駛諗咁多 .  XD

雞蛋 , 仲煎緊 ...

配埋白飯 & 麵豉湯 , 隨時可以起筷 , いただきます .  ^^

以我咁惜飲惜食既性格 , 清檯率起碼95%以上 , 

(除非配菜係 納豆 , 咁就冇得好講 , 因為實在太過惡哽)

食完早餐又到講閒話時間 , 今次要幫內地人平反 , 

坐我對面&斜對面果兩檯 , 屬於同一夥人 .

幾近全程都係大聲講大聲笑 , 由於係講日文 , 

所以認定佢地係日本人 , 大聲講野呢樣野 , 並不是強國人或香港人專利 , 

應該係屬世界性 , 不分種族及國籍 , 只要開心 , 就會忘形 . Yeah !!

一房四檯 , 隔離冇人坐 .

食完早餐攤抖中 , 拎部手機上網Check回應 .

上房執齊野 Check out , 停車場在旅館後面 .

襯仲記得講埋 , 一泊二食加埋啤酒 , 合計 : 14190Yen . 

(可能係農曆年假 , 都幾貴下)

早前果篇 Elgrand介紹篇 咪話帶左把尺黎度個尾箱個Size , 

好讓有心想租佢既Blog友 , 有定個心理準備 , 可以放幾多個篋 .

襯呢個停車場夠空間 , 就依家解決埋佢啦 .

( 可惜帶錯左條唔夠長既尺 , 正式係所托非尺呀 .  >_< !!  )

車尾箱打橫闊度 .

39寸 , 剩餘位置約莫加多8寸 , 合計47寸左右 .

深度 ~ 摺起最尾果排坐位黎計 .

  39寸 , 今次加多6寸啦 , 即係45寸 .

最後係高度 , 39寸加多 ...

加5寸先到底部 , 不過計埋摺起既坐位 , 就咁當佢高39寸都差不多 .

攪掂晒 , 可以擺番D行李上車 .

果陣有部垃圾車收垃圾  , 根據日劇 正義靚太 既劇情 , 

日本收垃圾係按日子黎分類 , 即係星期幾就收邊類垃圾 , 如果拎錯 , 

會俾人鬧爆之餘 , 仲會叫你拎番走 , 等適當既日子再拎過出黎 .

四圍停 , 每度收小小 .

隔離都有部 Elgrand , 市場渗透率都幾高喎 .

唔通隔離飯香D , 硬係覺得佢果部(右邊)有型D ?

上次雪駕遊都玩過 , 飲剩既水留在車裡過夜會結冰 , 今次都唔例外 .

如果唔理佢 , 中午就會解凍 .  XD

Bye Bye 喇 , 霧多布旅館くりもと , 正常應該都唔會翻單 .

擺好晒D野就走得 , 之前有冇講過 ?

ZARD 坂井泉水 D歌好好聽 . 可惜英年早逝 .

另外CD與Mp3輪流聽 , 聽CD有樣唔好 , 就係佢報路面情況時 , 

CD音量會收細 , 好冇癮架嘛 , 所以大部份時間都係聽Mp3 .

攪掂上車 , 第一個景點係 ~ ENEOS油站 .

Bye Bye !