2010北海道10天自駕遊(修訂版)D2-1Toyota corolla Axio篇A

Hello !

上回講到浸完溫泉好快休息 , 聽朝晨咁早就去食早餐 , 

不過食早餐之前 , 循例都要睇睇窗外既風景 .

一片草地 , 遠處就係太平洋 .

有條大管嚮度 , 阻住晒D景觀 . 

叫做有小小海景啦 .

梳洗完畢之後 , 就可以出去食早餐 , 

115 號室 , 佢仲早過我準備定晒 , 幾豐富喎 .

睇真D , 唔好睇佢每碟得小小 , 食晒都幾飽 .

呢個廳叫做 "海貓屋" . (冇乜人既 , 唔通未起身?)

淨得隔離檯有人 , 咦 ~ 萬寧妹妹 ?  ^_^ !!

食飽之後 , 稍事休息 , 之後上房執好行李Check out ,

8400Yen (一泊二食) 加 150 (入湯稅) , 總計 : 8550 Yen .

再見 115 號室 .

出黎果陣見到部 bB , 都有諗過租呢部 , 不過最後都揀 Axio .

見到有條水喉同埋鮑魚刷 , 一於幫 Axio 沖個涼先 , 

可能落雨啦 , 第一日就污糟晒 , 第一次洗車 , 原來都幾辛苦 .

當堂乾淨晒 , 好乾淨既呢 .

尋日臨急臨忙取車 , 都未有機會介紹佢 ,

襯依家有時間 , 一齊黎解構佢啦 , 先睇左邊 .

再睇右邊 .

後面 .

講到呢度 , 又要講番D心路歷程 , 話說果陣未決定租車 , 

去Blog友度搵料 , 不過甚小Blog友會好詳細咁介紹佢租果部車 ,

所以都有一定程度既難度 , 今次自己租呢部車 , 一於唔好留手 ,

盡情咁介紹佢 , 他日大把佢既相呀 .  ^_^ !!

遲D詳細介紹個GPS , 睇過係咪傳說中咁容易用 , 記得追落去呀 .

仲有 ~ 出車果陣臨急臨忙 , 都冇講解所Check各個項目 .

依家補番數 , 慢慢Check清楚佢 .

首先係車身 , 睇睇有冇刮花之類 , 有就記得Mark低佢 .

跟住坐上司機位 , 調較適合自己既角度 , 包括高低前後 .

就係呢度 , 自己慢慢調較啦 .

跟手試個水撥 , 果日落雨 , 即刻就要試 .

油門 & 煞掣 ~ OK (個煞掣仲好靈敏添 , 遲D會詳細講佢)

車呔 . OK (無光頭)

ETC 咭 , 今次唔係太多上高速 , 所以冇借到 , 他日每次租車都Book埋 . 

(借用ETC 咭係免費)

下篇繼續Check車 .

Bye Bye !