Hello !
上回講到食完早餐 , 休息一陣就出發 ,
第一站係近近地既 "五稜郭" , 由於呢度實在太正 ,
所以要將D相片傾巢而出 , (可能有D會重覆) 仲要分兩篇先寫得晒 ,
依家睇住第一篇先 , 遠處就見到目的地 , 搵個位泊車先 .
終於搵到呢度泊車 , 三手軑就攪掂 , 勁 !
停車場就在 "五稜郭" 隔離 , 首兩小時 200Yen ,
之後每半小時 100Yen (兩粒鐘應該攪得掂)
"駐車券" A.M.8:39
過條馬路就係 , D櫻花好靚呀 , 一陣落黎影餐飽 . ^^
地下果度有紀念品賣 , 不過心急 , 上到去先講 .
原價840Yen , 俾張預先印定既優惠券佢 , 真係有折扣 . (大人760Yen)
一上到去 , 咦 , 真係好高喎 .
根據Blog友提供既資料 ,
呢位係 : 土方 歳三 新選組副長 , 箱館戰爭 ,
土方被任為兼道軍總督攻向五稜郭城 .
上面望落去 , 成支忍者鏢咁 , 型呀 .
淨係佢都夠晒靚 , 仲要加埋櫻花 , 靚上加靚 .
岸邊圍滿晒櫻花 , 黎得真係合時候 .
除櫻花之外 , 其他景觀都唔錯 .
認唔認得到部車泊嚮邊 ? 我都認唔到 .
果D高處未算高既 Feel , 我至鍾意 .
其實呢度唔算太高 , 只不過其他地方矮 .
知唔知遠處個山係邊度 ?
之唔係 "函館山" 囉 . (尋晚上過去啦)
呢度唔知望唔望得到 "青森" 果邊呢 ?
質個頭入去影相果D牌 . haha ...
當日係閒日 , 唔算太多人 .
人數同尋晚 "函館山" 果度比 , 相差好遠 .
有D模型小擺設 .
繞場一周咁樣影 , 攪掂晒 .
又去番個大星型果度 .
中央有個三角箭咀 .
其他遊客 , 一齊影喇喂 . Yeah !
仲有D學生妹妹嚮度參觀 .
五稜郭既模型 .
即使冇櫻花 , 都係真實版靚D .
下一層有D玻璃底 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~