Hello !
上回講到在 "摩周丸" 參觀 ,
參觀完之後行番去朝市果度取車 , 順便影多幾張相 ,
呢位叫做 : "函館大叔" , 係呢度既代言人 . ^^
朝市裡面仲有其他食肆 , 呢間D海鮮飯睇落唔錯 .
黃金鹽拉麵 , "函館" 呢度好出名 .
不過始終海鮮先至係主打 .
但係今程冇食過 "長腳蟹" , 可惜 .
今次編排行程 , 預留足一日在 "函館" 呢度 ,
起初諗住大把時間四圍去 , 點知玩完兩個景點兼食完飯 ,
已經係下午一點半 , 時間過得真係快 , 唯有搵D重點行程參觀 .
下一個地點係 "立待岬" .
"函館" 叮叮 .
擺好部車就可以落車影相 .
經過一條長路 , 盡頭就係 .
"北海道" 四面環海 , 好多海邊既地方 , 都叫做岬 ,
打後仲有好多 "岬" 睇 , 正式係有排睇 . ^_^ !!
繼 "地球岬" 之後 , 呢個就係 "立待岬" .
配合埋風聲 , 現場睇靚好多 !
好遠果度係唔係咪 "青森" 呢 ? 唔知喎 .
俾D海風吹得好舒服 , Yeah !
呢個 "立待岬" , 係今次重點行程之一 .
如果可以落埋去就正 .
唔知有冇路呢 ? 搵唔到呀 .
唯有Zoom近黎睇算啦 .
另一個角度睇 .
黎多張添 , 各位觀眾 : 立待岬 !
搭叮叮在 "谷地頭" 站果度落車 , 步行20分鐘就到 .
一望無際 .
依家係五月頭 , 若然七 - 八月時 , 綠草如茵 , 應該會更靚 .
見唔見我部車呢 ? 中間果部就係 . ^_^ !!
有間小食亭 , 由於果日遊人唔多 , 所以都係生意淡薄 .
我諗星期日會好D掛 ?
呢張圖清楚D , 谷地頭站行過黎 , 好近架咋 .
如果有時間 , 仲可以黎個 "散策" 漫遊 , 咪當行山囉 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~