Hello !
上回講到剛到達 "弁慶岬" , 呢篇繼續 .
叉開小小先 , 根據Blog友報料 , 呢個像並非 "義經" ,
而係武藏坊弁慶咁話喎 , 真係唔講都唔知 .
睇睇個地圖 , 依家仍然在 "北海道" 尾部 ,
不過離開 "函館" 範圍好遠咯 .
Wow , 乜塊牌跌落地下都冇人理架 ?
搵人執執佢好喎 , 起碼都棟番起佢丫 .
下面有個燈塔 , 即刻落去參觀 .
弁慶岬燈台 . 義經 . 弁慶傳說之地建立燈塔 .
唔知有冇日劇做 "義經 & 弁慶" 呢 ?
好一座傳說地方所建造既燈塔 .
影完燈塔影海邊 .
又係一個一望無際既海邊 .
呢度都係好大風 , 吹到我頭髮都亂晒 .
好似講過好多次 , 我好鍾意睇呢類既海邊 .
充滿天涯海角 Feel .
知道呢度係傳說既地方 , 發現多一份淒美感 .
呢D凹位 , 有D似 "道東" 果頭既 "淚岬" .
不過當日去到果度勁大霧 , 乜都睇唔到 .
如果有路落到海邊咁就正咯 .
不過又驚有潛在危險 .
我得一個人去 , 大吉利是講句 , 俾浪卷出海都冇人知 . >_< !!
所以都係唔好諗落去下面 , 上番停車場就真既 .
去埋洗手間都差唔多 , 又係根據Blog友報料 ,
呢D圖案都有故事性 , 真係大有典故呀 .
OK , 攪掂上車 .
呢度都幾好風景 , 如果有機會 , 我都想再黎多一次 .
依家去下一站 , 下篇見 .
Bye Bye !
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~