Hello !
上回講到浸完個晨早溫泉 , 又係早餐既時候 .
食早餐既地方 , 又係尋晚食晚餐果度 ,有番兩檯客人 ,
叫做有D人氣咁啦 , 唔駛又包場 , 幾個人招呼我一個 .
不過就算係得我一檯 , 都唔駛招呼我 , 因為今次食自助早餐 .
蛋仔 ~ 炒蛋 ~ 煙肉類西式早餐 , 開正我果瓣 .
習慣上繞場一周視察環境先 .
麵包類 , 我的至愛呀 .
"日式" 類早餐 , 小試還可 .
黑糖寒天 ? 乜野黎架 , 點睇都似涼粉 .
豆腐類 , 唔錯 , 夠晒清淡 .
可能浸完晨早溫泉 , 依家都幾肚餓 .
橙汁 ~ 番茄汁 ~ 鮮奶 ~ 水 (鮮奶丫 , 唔該)
之前成日食 "日式" 早餐 , 今鋪幾大都揀番D "西式" .
第一轉 , 小試牛刀 .
換個角度黎多張 . ^_^ !!
咖啡機 , 好正架 !
實在太正 , 唔好客氣 .
側邊仲有D飯類 , 不過甚小晨早食飯 .
食完 , 走得 ~ 多謝招呼 .
趕住上房執行李 , 經過禮品部 , 都冇入去參觀 .
唔該Check out , 埋單一泊二食 13850Yen ,
入湯稅 150Yen , 啤酒 700Yen .
合計盛惠 : 14700Yen Wow ~ 好貴呀 .
不過一分錢一分貨 , 貴得有道理既 .
記得帶齊野 , 同呢度講聲 Bye Bye !
正門黎多張添 , 我會記住你 .
擺番D行李上車 , 經過連場火拼 ,
行了884.3公里 , 尋日入油 , 依家仲係好滿 .
另外尋晚可能落了場大雨 , 因為車門附近有撻污染野 ,
無啦啦消失了 , 段估酒店都唔會有暗中幫人洗車既服務掛 ?
若果有既話 , 又乾淨唔得晒 , 有D失職喎 . haha ...
出發 , 講番超速呢樣野 , 真係好講心情 ,
好似今朝浸完個溫泉兼食埋早餐 , 個人反應都慢D ,
落山果陣行40-50 km都覺得幾快 ,
有時大路果度行80-90 km都唔覺得快 , 都咪話唔邪門 !
第一站去邊度呢 ?
就係呢個 "牛奶工房" .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~