2010北海道10天自駕遊(修訂版)D7-10島武意海岸篇

Hello !

上回講到因天氣關係 , "水中展望船" 關門大吉 ,

食飽閉門羹之後 , 在碼頭附近玩餵海鷗當出海 ,

餵飽晒佢地後 , 無奈地去下一站 .

(其實有排都未得佢飽 , 只係餵晒手頭上既食物至真)  ^^

由碼頭出發 , 經過半小時車程 , 就到達呢度 , 

各位觀眾 : 島武意海岸トンネル入口

參觀Blog友網誌果陣 , 話要經過一條長長既隧道 , 

穿過之後就見到果度 , 終於輪到自己親臨 ,

有D緊張之餘 , 仲有D "千與千尋" Feel .

穿過大約100米既黑蚊蚊隧道 , 一出到黎 , 果然別有洞天 .

呢個亦係重點行程 , 所以將手頭上既相傾巢而出 , 千祈咪錯過 .

條樓梯可以落去石灘果度 , 一場黎到 , 幾大都行埋落去 .

當時都幾大風 , 難怪 "展望船" 停航 , 始終安全第一嘛 .

條斜路左兜又兜 , 話長唔長咁啦 .

又係果句 , 現場睇正好多 .  ^_^ !!

順便講埋 , 就係因為咁大風 .

令到下一個行程 , 再食多次閉門羹 .

正所謂 : 為山九仞 , 功虧一簣 , 就係咁解 .

講多兩講 , 差唔多落到石灘 .

仲差小小 , 轉埋灣就到 .

終於落到黎  , 果舊 "大舊頭" 真係好壯觀 .

好一個石灘 , 可以直接行落海度 , Yeah !

聽到海浪聲 , 個人都醒神D .

如果唔要命既話 , 可以游埋出海 . haha ...

差唔多行到落水 .

玩咁耐都唔見其他人 , 又係包場黎玩 .

聽講星期日黎既話 , 上面隊道出口迫滿晒人喎 .

唔知紀念邊位 ? (寫得好撩草)

影埋呢張 , 呢Part都差唔多 , 係時候上番去 .

上番到上面 , 影埋個招牌 .

(就係講呢度 , 多人既話 , 影相都要排隊)

依家當然唔駛啦 , 想點影都得 .

"日本之渚百選 。選定海岸" 島武意海岸 .

參觀完畢 , 由呢度出番去 .

"陰陰森森" 咁 , 都唔知會唔會有 "異形" 嚮裡面 .  =_= !!

見到白光 , 終於到出口 .

攪掂 , 影多次個入口 .

一個人行都咪話唔驚 . XD

Bye Bye !