2010北海道10天自駕遊(修訂版)D7-12神威岬篇B

Hello !

上回講到到達 "神威岬" , 不過因為風大而封路 , 

焗住四圍影相補數 , 呢篇繼續 .

當時天陰陰 , 好彩落唔出雨 .

海面風浪頗大 .

右手邊最遠果度叫做 : "蠟燭岩" ,

若然去到燈塔 , 可以黎個近距離接觸 , 可惜 !

另一邊都有個迷你版 "蠟燭台" .  XD

成支曬乾海參咁款 . haha ...

轉個頭望呢邊 , 中間係停車場 , 不過冇乜車 , 得小貓三幾隻 .

遠處又係一個海灣 , 好似唔錯喎 , 有機會再黎一於預埋佢 .

係時候落番去 .

影多張先啦 , 下次黎都唔知係幾時 .

D樓梯木造 .

充滿郊外氣息 .

落到地面 , 遠處呢座係 "洗手間" , 幫襯埋先走都未遲 .

整多張塊 "大石碑" .

呢座唔知乜 ? 冇去睇過 .

又一個洗手間 , "日本" 呢度 , 真係唔駛慌搵唔到佢 , 讚呀 !

果陣大約五點鐘 , D車都幾近走晒 .

而最後一件 "蝦碌事件" , 亦都在呢度發生 ,

話說當日Set GPS 準備往酒店 Check in , 輸入電話後 , 

點知佢竟然話唔知係乜地方 ? 有冇攪錯 , 電話號碼係酒店提供 , 

冇理由會錯 , 由於諗住實食冇黐牙 , 所以冇去查酒店個 Mapcode ,

咁點呀 ? 呢度係 "日本" , 唔同 "旺角" 去 "尖沙咀" ,

點行錯都有個譜 , 冇GPS 帶路 , 點知點樣行 ?

記得當時內心不斷盤算最壞既結果 , 第一係失信於人 ,

訂房唔出現 , 雖然未俾錢 , 但實在非我所願見 .

第二係今晚邊度落腳 ? 難度要泊在停車場在車裡面休息 ?

越諗越驚之下 , 第一個意識係乜都唔好講 , 返到 "余市駅" 再打算 , 

Set 好 GPS 後 , 又有一個問題 , 個鐘話要大約 P.M.6:30 到達 ,

果陣個天都黑齊 , 更加難搵路 , (未諗到解決辦法 , 只係諗住去到問人) 

記得當時個心真係有D寒寒地 , 為了唔想天黑先去到 "余市駅" , 

結果又使出絕招 "開快車" , 真係逢車過車架 , 

轉灣時如果肯定冇對頭車 , 仲會用埋佢果邊既行車線黎減小轉灣幅度 ,

慳番D時間 , 好彩全程都冇俾人捉快車 . ^^

結果由 "神威岬" 去到 "余市駅" 只係用了一個小時 ,

個天仲未黑 , 在車站停低部車及冷靜下來 , 突然靈機一觸 , 

諗番起好耐之前睇過 Blog 友叫 : 東型遊

(依家改稱 "旅遊教室" , 果度好Pro)

依稀記得佢講過 , 話GPS 個地圖箭咀 , 係可以移動 .

就好似上圖 GPS 果個全方位箭咀 , 向邊個方面篤就會移向邊度 ,

好彩睇得多 "Google" 果個日本地圖 , 大約知道間酒店在邊果方位 , 

於是乎將個箭咀篤向果邊 , 經過一條河 , 果然見到間酒店 .

好彩 , 嚇得我丫 , 重新 Set 好GPS後 , 大約10分鐘車就到 , 

時間係P.M.:6:15 , 比我預約遲到15分鐘 .

算啦 , 遲到點都過冇到呀 .

Bye Bye !