2012北海道10天霧地自駕遊(修訂版)D1-2白樺山莊拉麵篇

Hello !

上回講到在 "新千歲機場" 拎番件行李之後 , 

馬不停蹄趕去搭 JR , 買飛即上車 , 大約35分鐘後到達 "札幌駅" .

去到 Hotel Gracery Sapporo Check in 後放低件行李 , 

連隨去 "拉麵共和國" 食拉麵 , 就在 JR站隔離 , 即係 ESTA 10樓 , 

呢度除 "拉麵共和國" 之外 , 仲有其他食肆 . 

不過我鍾情於拉麵 , 所以都冇諗其他 .

鴨汁そば ? 聽落好吸引喎 .  ^_^ !!

經過雪糕店再直行就到 .

係佢哪 , 札幌 "拉麵共和國" . Yeah !

所謂 "拉麵共和國" , 即係各地拉麵高手雲集既地方 ,

由於競爭實在太大 , 所以每年下圖既舖頭 , 都會有所改動 ,

汰弱留強就係咁解 .  >_< !! 

火車頭 , 見過好多次啦 .

投票口 , 有心水拉麵店 , 不妨投下神聖既一票 .

今次揀老字號 , 白樺山莊 .

叫個叉燒拉麵 780Yen , 下次先啤啤佢 .

話咁快就煮好 , 唔錯 ~ 起筷喇喂 .

再順帶一提 , 無料溫泉蛋都好正架 , 整番隻丫 .

食完返酒店 , 不過行過呢度 , 通常都會順手影番張相 .

當時既時間係 P.M.10:15

札幌駅 .

左手邊就係今晚酒店 Hotel Gracery Sapporo .

Bye Bye !