Hello !
上回講到參觀完 "登別" NIXE 水族館 , 呢篇繼續 .
往 "札幌" 還車時經過休息站 , 只係得個停車場 ,
汽水機 & 洗手間 , 非常之簡單 , 休息一陣繼續 .
根據經驗 , 如果唔上高速既話 , 塞車都塞到爆 , 呢D錢唔慳得 .
終於都到達 "札幌" 市內 , 小小塞車在所難免 .
停燈位 .
還車前記得入滿油 .
還車時佢係咁咦行個圈 , 見到冇穿冇爛就收貨 .
落車拎齊行李 , 埋單找ETC咭數 , 合計6200Yen .
向 "札幌" 車站行 , 呢句唔識日文都知 .
東北加油呀 ~ 日本加油 ~ 一條心 (唔知係咪咁譯 ?)
攪到黎都晏晏地 , (接近P.M.6:00) 開始黃昏 .
先去酒店 Check in , 今晚又係住 Gracery Hotel .
聽日在呢度上車往機場 , 依家去食拉麵 .
班次表 , 1000Yen車費 .
JR札幌駅附近 .
差唔多到步 .
味之時計台 , 至鍾意幫襯呢間 .
上年 "雪駕遊" 因為晏左黎 , 太過多所以 Miss左 .
結果引以為憾 , 今次幾大早D到 , 霸番個頭位 .
坐低四圍影相 .
一別經年 , 依然冇乜點變 , 我最鍾意坐呢個位 .
(即係影緊相既第一身)
P.M.6:20 仲未開始夜市咩 ? 一個人都冇既 ?
由於呢餐係重頭戲 , 所以影多幾張相 , 唔好介意喎 . ^^
影埋呢張都要落單 , 叫乜野呢 ?
仲駛問 ? 梗係 "牛油帶子拉麵" 啦 .
無車一身輕 , 啤啤佢先 . haha ...
主菜到 , 我的至愛 , 話之佢肥到死啦 . Yeah !
黎埋個餃子 , 臨別秋波 , 一於食到佢大一大 .
飲飽食醉 , 出面埋單 .
Bye Bye !
牛油らーめん，似曾相識，你雪駕果年都係一樣？
回覆刪除雪駕果年Miss左 , 其餘每年必試 , 所以似曾相識 .
刪除明年(2014)有幸出門既話 , 或者試其他野 .
牛油帶子拉麵係小姐嘅飛弗, 下次㑹唔㑹試下菜乜兵衞?
刪除下年唔係北陸？有“返“鄉下？
刪除t : 菜々兵衛 ? 有機會都可以諗諗佢 . ^^
刪除コーさん : 北陸唔係唔好 , 不過始終 "北海道" 先係主場 .
刪除玩到覺得玩晒先轉會 . (暫時都未有太確實既行程)
哦⋯⋯我都度緊，大約留八日，由釧路去新千歳。
刪除可能會咁行（google map) http://goo.gl/mV47Ul
コーさん : 咦 ~ 全陸路喎 , 冇行沿海 , 其實我黎緊呢次都想咁行 .
刪除因為次次都沿海 , 冇乜行內陸 .
呢D叫陸路 :))
刪除時間唔多，去D小朋友玩到嘅地方：釧路、阿寒、弟子屈農場，十勝，トマム resort，再去富良野、美瑛、旭山動物園。另外第９、１０天去DISNEY。
唔錯喎 , 呢條航線我都好有興趣 , 你幾時出發呀 ?
刪除或者我都趕得切抄考一番 . haha ...
一定你早過我，我要暑假，機票就confirm左。
刪除嘻嘻, 小姐一舉一動都已經已 Koosan 瞭如自掌 :)
刪除Koosan, 近日發現X信屋有摩周湖水賣, 所以呢似行情可以 skip 呢段 :)
刪除コーさん : 既然我早過你出門 , 咁就冇得懶 , 自己慢慢搵料 .
刪除摩周湖水都有得賣 ? 聽晚一於去睇睇咯 . ^^
刪除小姐好似年年都4，5月出門。年結後？
刪除摩周湖水，淨飲？
果然如 t 所講 , 你對我一舉一動都瞭如指掌 , 夠晒心水清 . 佩服 .
刪除冇錯 , 我每年都只係4-5月先有公司假 , 亦只可以在該段時間出門 ,
所以依家都愁緊點樣報呢個霧駕遊之仇 , 若然去到又一次大霧 ,
真係想跳樓 , haha ... 所以明年先想遊 "北海道" 中部 .
(不過又唔排除去 "北陸" , 總之有得揀先至係老闆) ^_^ !!
飲左摩周湖水, 有病醫病,無病強身 :)
刪除四，五月，九州都好玩，有山有水有花有温泉，只係食物普通少少。
刪除摩周湖水，等我去689（寫錯）見識吓先。
コーさん : 暫時都以 "北海道" 為膽 , "九州" 都好正 , 不過未有打算住 .
刪除另外 "最瀛自由行" 介紹果個 "東尋坊" , 亦都係一絕 , 正 !
咁當然14年去北海道好D。:))
刪除等你去完返來，我可以再執行程。
假設我5月中出發 , 暑期都未必寫得晒 , 所以唔好太期望 . XD
刪除趕得切，到時我會捉住你問最新情況。:))
刪除好呀 , 一定知無不言 , 言無不實 !!
刪除