Hello !
上回講到幫部車影宣傳照片後 , 呢篇繼續 .
入屋執齊野放上車 , 出黎フロント呢度俾錢 ,
一泊二食盛惠12350Yen , 多謝晒 .
呢間就係フロント , 對面係停車場 .
Check Out 後往 "十二湖" 進發 , 不過越行越大霧 .
到達 "十二湖" 入口停車場 , 時間係08:55 .
十二湖の由來 , 內容係講 : 大約300前地震山崩而形成 ...
案內圖一塊 .
遊步道 , 向右邊行丫 , 唔該 .
第一個見到既係 "八景の池" .
有小艇租 .
可惜今日太多地方去 , 加上湖面有霧 ,
心情難免有所影響 , 所以無暇租艇遊湖 .
就咁在岸邊欣賞湖景算數 .
湖水尚算清澈 .
湖邊有間旅館 & 食堂 .
今次既主角係 "青池" , 所以不停站直去到盡頭 ,
將部車擺在停車場 , 再步行入去 .
好大霧呀 , 玩 "霧地異煞" 咩 ?
"青池" 果度唔可以擺車 , 只可以步行入去 , 中途經過 "禁漁池" .
俾D植物遮住晒 , 只係睇到小部份湖景 .
遠處直情白矇矇 .
前面有分叉路 .
唔緊要 , 有路牌嘛 , 行左手邊 .
呢度係 "雞頭湯の池" , 距離 "青池" 仲有5分鐘腳程 .
保護植物之類 .
有條浮木 .
間唔中望下綠色野 , 人都精神D .
仲有湖邊漫步 , 一樣咁爽 .
湖面好多浮游生物 .
行多一陣 , 差唔多到喇 .
轉埋個灣就到 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~