2013北海道&青森12天自駕遊(修訂版)D6-9男鹿海膽丼篇

Hello !

上回講到參觀 "北緯45度" 石柱群 , 呢篇繼續 .

菅江真澄翁 と 男鹿半島 .

後面都有字 , 入道崎 . (男鹿の鈴風)

隔離仲有塊石碑 .

攪掂晒 "入道崎" 所有地方 , 時間係P.M.1:00 .

尋日午餐就冇啖好食 , 今次黎到 "男鹿半島" , 幾大都食餐勁 . 

不過咁多間食堂 , 間間都有 "海膽丼" , 幫襯邊間好呢 ? 

行過停車場另一邊 , 見到呢間 , 就幫襯佢啦 , 點解呢 ?

因為呢間識得出噱頭 , 出乜野噱頭 ?

就係話曾經在呢頭見過 UFO , 連 UFO丼 都有 ,

姑勿論真定假 , 咁攪野 , 真係識得做生意 .  ^_^ !!

Hello ~ 有冇人呀 ? 一位丫 , 唔該 .

可能係閒日啦 , 所以唔係太多人 , 只得三檯客 .

坐低睇睇餐牌 , 除餐牌外 , 仲有景點介紹牌 , 勁 !

遠處有部電視機 , 不過唔係播即場節目 , 

而係不停咁播錄影帶 , 內容係呢度曾經出現 UFO .

有晒專題探討 , 講到似層層咁 .

隔離檯同埋斜對面檯 , 再加埋我 , 一共三檯客 ,

我就叫好簡單既 "海膽丼" , 佢地就犀利喇 .

佢地叫左個 "石燒定食" , 所謂 "石燒定食" ,

即係將鯛魚 ~ 海苔 ~ 蔬菜等食材放入桶內 ,

再加入一舊燒到熱過火炭既海岩落去 , 登時滾到瀉出黎咁滯 ,

好唔好食就唔知 , 淨係睇個效果都夠晒娛樂性 , 正 !

斜對面果檯又係叫呢味野 , 真係滾到瀉架 , 漏晒D湯出黎 .

影相喇喂 . (雖然三唔識七 , 都要過去八卦一番 . haha ... )

影多陣D野都黎 , 簡簡單單 , 海膽丼定食 , 2100Yen .

唔係講笑 , 呢碗 "海膽丼" 俾到我一種 "驚為天人" 既感覺 ,

食完兩啖之後不禁問 : 第日食唔番咁點算呀 ?  ^o^ ~ 

D "海膽" 一塊塊咁 , 我至鍾意 , 超讚呀 !

食完之後 , 四圍參觀 , 後面係榻榻米坐位 .

都有好多張檯 .

UFO節目 , 搵D專家及市民訪問 .

個個受訪者都話見到 , 唔通真係有天外來客光臨過呢度 ?

都差唔多 , 呢度埋單 .

"石燒定食" 都係 2100Yen , 有時間記得一試呀 .

返去停車場果邊 , 再一次參觀呢兩位 なまはげ .

同埋入商店行下 , 睇睇有冇合心水 .

之後就上車 , 去下一個景點 .

Wow , 電單車暴走族 ?

Bye Bye !