Hello !
上回講到參觀完 "奧尻島津波館" , 呢篇繼續 .
一路向北上 , 經過 "奧尻空港" 之後 , 又到番海邊大路飛馳 .
第一個見到既景點 , 叫做 "無緣島" .
遠處果個就係 .
除了個島之外 , 附近既海岸都好靚架 .
Check 過Google地圖 , 如果由呢度落水一直游 ,
上岸既地方將會係 "北韓" 與 "俄羅斯" 交界咁上下 .
我既泳術當然冇咁勁啦 . haha ...
Zoom近睇個島 .
無緣島 .
邊個改呢個名既呢 ? 發生過乜野事令到呢度咁無緣呢 ?
所謂無緣亦是緣 , 今日總算有緣見到呢個島 ,
尋日黎到就真係無緣喇 . =_= !!
再Zoom多次 , 大家都睇真D , 唔駛等佢咁無緣 . ^_^ !!
繼續行 , 好快就見到另一舊石 , 叫做 : ホヤ岩
就在 "無緣島" 隔離 , 其實只係一舊好普通既大石 .
Wow ~ 下面攪乜鬼 ? 有部電視機嚮度 , 唔係上次海嘯未清理呀嘛 ?
一有停車位就停低影相 , 好忙既呢 .
離開頭先果度無幾遠 , 又到下一個景點 .
叫做 : モッ立岩
有D似碼頭要黎綁船果舊石躉 .
不過都幾得意 , 又會無啦啦有舊咁既石在岸邊 .
(唔通真係要黎綁船 ?)
岸邊都幾靚架 , 點解近岸總係綠綠地色既呢 ?
繼續沿海邊北上 .
有位又停一停 .
遠處又有舊石 , 上去睇睇 .
呢舊叫做 : 神威岩 .
真係舊舊都有名堂 .
不過宣傳相影得靚好多 .
隔離有個亂石海岸 .
繼續影 , 唔好俾佢停 . ^^
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~