Hello !
上回講到在回航的渡輪上 , 呢篇繼續 .
休息時間係咁咦執野 , 同埋介紹買左D乜 .
首先係 "奧尻島昆布餅" 一盒 , 正 !
再黎係 "墨魚紅豆餅" .
呢個係自用 , 依家仲用緊 .
就係 "海膽代言人" 水杯一隻 ,
每次飲水都不期然諗起島上既情景 .
再影番出面 , 今次真係行到好遠咯 .
下層冇車泊出黎 , 正如上篇所講 , 呢程船都幾鬆動 .
之後返回船艙 , 寫番篇小總結 . 今次能夠順利完成島上行程 , 全靠夠堅持 ,
因為曾經有諗過翌日坐早船返回 "江差" 轉遊 "函館" .
最終天公造美 , 先至能夠完成島上大部份既景點 .
唔知會唔會有Blog友因為睇左呢輯介紹 , 而黎呢度觀光呢 ? 如果有既話 ,
咁就要留意月份 , 因為我到達果陣係5月中左右 , 當時旅館套餐都未有 "鮑魚" 及 "海膽" ,
若然依家上番去佢網頁 , 上述兩味都齊備 , 一場黎到 , 幾大都要試一試 ,
就好似早排電視節目 "最瀛自由行" 裡面咁 , D "海女" 捉得好辛苦 , 千祈唔係白費佢地一番心血 .
另外島上仲有多項活動 , 好似捉鮑魚體驗 (あわび狩り体験) 快艇島外觀光 ,
游水 ~ 磯釣 ~ 露營 ~ 溫泉 ~ 樣樣齊 , 總有一樣適合你 , 我就話要就住假期 ,
所以焗住呢個時間去 , 如果出發月份隨意 , 記得吼住佢網頁黎度行程 , 咁就實冇衰 .
總結就講住咁多先 , 其他既自己慢慢發掘 , 依家休息一陣先 .
~~~~~~~~~~~~~~~~~~~~~~~~~~~~~~~~~~~~~~~~~~
話咁快就差唔多到達 "江差" 周邊 , 出船艙睇睇 .
Wow ~ 日落西山下 , 當然要影低佢啦 .
見到呢D情況 , 通常都係唱 : 夕陽無限好 , 卻是近黃昏 ...
慢慢欣賞 .
可惜唔可以睇到佢落到水平線以下 .
經過 "開陽丸" & "青少年中心" .
最後一張 , 攪掂就要埋岸 .
第一時間望去停車場 , 睇下部車仲嚮唔嚮度 ?
好彩仲嚮度 . ^^
(都有DD擔心架 , 如果部車冇左 , 真係唔知點算 ?)
不過呢度係 "日本" , 治安應該靠得住 , 其他地方就唔敢包 .
泊正個大碼頭 , 落埋塊尾板 , 可以開車 .
(下一程船先至係連埋車上船呀)
再見了 , Heart Land Ferry , 後會有期 .
呢頭落船 , 即刻有人等上船 , 呢班船入到去要成20:55 ,
真係要Call接送 , 否則夜媽媽要行幾個字 , 都幾係野 .
過番呢邊 , D車好快就出晒 , 裡面空空如也 .
Hello ! 又見 AQUA , 好似隔好耐 , 島上部 Mira 雖然唔差 ,
不過同佢比仲差好遠 , 上車擺低個背囊就開車趕下班船 ,
目的地係 "函館" 既 青森フェリーターミナル
由呢度去大約要個半鐘多D .
途中經過 繁次郎 "道の駅" , 橫掂有D時間 , 落車睇睇啦 .
黃昏背光添 . XD
OK ~ 上車走得 .
不過天色咁靚 , 總係忍唔住手 , 黎多張添 .
Bye Bye !
D手信好有特色呀~~
回覆刪除昆布餅，墨魚紅豆餅都未見過!
寫到明 奧尻島 , 第二度當然買唔到啦 . ^^
刪除