2010/08/04

2010北海道10天自駕遊(修訂版)D3-7洞爺駅篇




Hello !


上回講到冇入 "熊牧場" 參觀 , 呢篇繼續 .

就在 "熊牧場" 門口 , 有檔生果檔 , 唔錯喎 , 睇睇先 .


買完蘋果之後 , 再經過 "活裂燒烏賊" .


蘋果兩包 , 自己食架 , 唔係要黎餵熊 . haha ...  

550 X 2=1100Yen


"活裂燒烏賊" 一包 . 1000Yen


前往停車場途中 , 見到呢間仲未參觀喎 .


アイメの英雄 , 勁呀 !


隔離有間 "三松正夫記念館" , 300Yen入場費 ,

本來300Yen就唔算多 , 不過時間不足 , 所以冇入去參觀 .


上車整理好D野就可以出發 .


停車場費410Yen , 一停車班友就黎收錢 , 效率奇高 .  ^_^ !!


離開 "昭和新山" , 先去 "洞爺駅" 參觀 .


果陣係 P.M.1:37 中午時份都幾熱 , 要開冷氣至頂得順 , 

GPS裡面三角箭咀就係我部車 , 箭頭指向湖中心 .


就係咁樣 , 真係對住個湖架 .


行多一陣就見到條鐵路 , 即係就黎到步 .


上面有間神社 , 冇位擺車 , 唔上去咯 .


各位觀眾 , 洞爺駅 . (TOYA STATION)


道南巴士就嚮出面 .


班次唔係好密 , Miss一班車就有排等 , 小心 !


即刻就有車到 .


根據Blog友既資料提供 , 搭的士上去溫泉區 , 2000Yen點都有得找 .


北斗唔知幾多號列車 , 真係有型 .


車頭車尾都係一樣 .


節省時間 , 一於上IC (高速) , 呢一段路要成 2200Yen .


中途又發生一段插曲 , 話說上到 IC 都唔好同佢客氣 ,

一於有咁快就開咁快 , 皆因係大直路 , 所以最高時速係140km ,

(不過只係點到即止) 其餘時間減番些小 , 途中見到休息站 , 

(通常我乜站都會入去) , 而當日係練習課題係盡量唔好勁煞車 , 

因此即使高速之下 , 都要慢慢令部車減速 , 

110 ~ 90 ~ 70 ~ 50 ~ 30 ~ 10 ~ 0 km , 停定晒 ...


去到呢度先至可以完全停定部車 , 

車轆仲掂到小小膊添 , 好彩部車唔係四邊貼地大包圍 , 

否則前面果截都唔駛要 , 險呀 ! 


下次都係唔好咁盡 , 應該煞掣就煞掣 .

Bye Bye !

沒有留言:

發佈留言

歡迎光臨 , 如果時間許可 , 請留番個言丫 ~