Hello !
上回講到在 "函館" 湯之浜酒店Check in , 呢篇繼續 .
入到房裡面第一件事就係試試個窗開唔開得到 ?
今次都開得到呀 , 一眼望出去 , 正 ~ 無敵大海景 .
向右手邊望 .
轉向左手邊望 .
窗外見到有幾隻海鷗飛緊 , 忽發奇想 .
試試拎D乾糧出黎 , 在窗口引佢地 , 睇過佢點反應 ?
(中午果餐掛住練習 , 連飯都冇食 , 都係靠D餅乾黎頂檔)
就係呢D餅乾 , 百佳度買 , 大約$22.00一包 .
點知佢地真係見到 , 仲好踴躍添 , 勁呀 .
霎時間 , 整個窗外好似 "禾雀亂飛" 咁 , 利害 ~ 利害 !
班友好似餓鬼投胎 , 同第一晚酒店D貓仔相比 ,
真係差天共地 , 之後試過搵幾條餅乾掟落街 ,
結果冇一條可以落到地下 , 堅呀 !
間中都有白鴿加入戰圈 , 不過唔夠海鷗搶食 .
佢地食得不知幾咁快口 . ^^
相信帶多十包餅乾黎 , 都唔夠餵飽佢地 .
同上次玩貓果度一樣 , 又係玩到連飯都唔想去食 ,
順便講埋 , 打後既行程裡面 , 仲會見到海鷗 ~ 烏鴉 ~ 貓等等 ...
如果去 "北海道自駕遊" 而又係好此道者 , 記得帶埋乾糧出發 .
不過玩還玩 , 飯就始終都要食既 , 況且中午果餐只係搵乾糧頂肚 ,
黎到酒店 , 幾大都擦餐勁 , 今次係自助形式 .
唔駛餐餐都食一 Set Set , 大把好野任你揀 , Yeah !
類似 "天婦羅" 炸蝦 .
應該係薯仔 .
蕎麥麵 , 唔錯架 .
白飯任裝 .
番茄蔬菜類 .
三文魚 & 墨魚 .
飲啖水先 .
好似係牛肉 ? (唔記得咯)
仲有D炸物 .
介紹完畢 , 準備開餐 .
黎多個 Round .
甜品都好正 .
總算叫做有番D人氣咁啦 , 唔駛次次都自己包場 ,
不過大部份都係上年紀既公公婆婆 . XD
乜都夠晒皮咯 , 整番飲咖啡就收工 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~