Hello !
上回講到參觀完 "函館駅" , 過 "朝市" 繼續參觀 .
話明朝市 , 又點會小得 "北海道長腳蟹" 呢 .
沿途好多海鮮店舖 .
除了乾貨 , 還有濕貨 .
仲有冰鮮添 .
一齊入去參觀咯 .
旅遊書經常介紹既 "釣魷魚" , 原來嚮呢度 .
釣得到可以連隨做刺身食埋 , 不過我冇幫襯到 ,
萬一失手咪好瘀 . haha ...
D魚好新鮮喎 . ^^
"朝市" 行出黎轉個灣 , Toyota "函館店" 就嚮呢度 .
大把車任揀 .
Prius , 型呀 .
仲有好多款式 .
大細車都齊備 .
租車店就在 "東橫Inn" 隔離 , 夠晒方便 .
參觀完去番 "朝市" 果度 , 因為差唔多夠鐘食飯 .
地下有隻蟹嚮度 , haha ...
中途見到一批人 , 握晒手咁 , 攪邊科 ?
原來選舉拉票 , 跟住佢見到我 , 以為我都係選民 ,
順勢拉票 . 就同佢傾一陣治國之道啦 . XD
最後影番張相留念 , 雖然佢唔算頂級靚仔 ,
不過四四正正咁 , 都叫做 OK 咁啦 .
如果他朝佢做到 "日本首相" , 呢張相仲唔升價十倍 .
(幸福實現黨 ? 有冇人知在 "日本" 算係忠定奸架 ? )
臨走佢俾一疊咭片我 , 一張就夠啦 , 駛唔駛咁多呀 ?
不過人地質到黎 , 唔要又好似好衰咁 .
講到黎真係要食飯 .
過條馬路入番去朝市果邊 .
入到去 , 大把舖頭任揀 .
睇旅遊書果陣 , 已經鎖定好幫襯邊一間 .
就係呢一間 , 點解揀佢呢 ?
之唔係因為佢囉 , 1890Yen 魷魚飯 .
睇過仲有冇其他野 ?
店長介紹 , 不過唔識睇 , 乜野黎 ?
都係睇圖好D .
結果叫碗飯之外 , 再加多味 "北寄貝" .
魷魚飯 1890Yen , 隻魷魚未死得晒 , 罪過 !
"北寄貝" 840Yen , 呢度呢D "北寄貝" 唔係唔好 ,
不過遲D在 "小樽" 果度食果D更加靚 , 仲平D添 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~