Hello !
上回講到離開 "洞爺湖" , 上 IC(高速) 在休息站中 .
呢個休息站 , 只係PA , 即係淨得個洗手間 & 汽水機 .
冇乜其他野 , 夠晒簡單 , 之後行多一段路 , 又到一個休息站 ,
原來都係 PA , 落車伸一伸對腳 , 叫做小休一陣啦 .
開車果陣係P.M.1:37 , 依家係P.M.2:56 , 都成個鐘有多 .
我呢D城市人 , 在 "香港" 坐一個小時車都小中有小 ,
更枉論自駕幾個鐘頭車 , 又要高度集中 , 都幾傷神架 ,
所以一有機會就要搵地方休息 , 一陣都好丫 .
終於行完 IC 地帶 , 出閘俾錢 , 盛惠2200Yen ,
仲未到架 , 只係行了一半路程 .
左邊國道229號 "江差" , 過兩日先去 ,
依家轉右去國道5號 "函館" 先 .
由國道5號直落 "函館" , 中途先去 "八雲駅" 果度參觀 .
行一陣就到 , 擺好部車就OK .
各位觀眾 , "八雲駅" .
呢個唔算係大站 , 只係屬於小型車站 .
之前咪話嚮度發生件恐怖事 , 係時候講解當日發生乜野事 ?
可以令我心膽俱裂 , 話說當日落車之後 , 諗住只係去洗手間及影幾張相 ,
所以淨係帶部相機落車 , 冇拎到手袋 , 影完上面幾張相之後 ,
順便去埋洗手間 , 在洗手位放低部相機 , 洗完手就咁走出去 ,
行出車站發覺點解兩手空空既 ? 部相機呢 ?
大劑 , 原來漏在洗手間果度 , 即刻用9秒9既速度飛番入洗手間 ,
好彩仲嚮度 , 嚇死人咩 , 幸好呢個唔係大站 , 冇乜人流 ,
否則俾人拎左 , 就算佢交俾站長 , 我都唔知點樣問佢取回 ,
若然拎車走埋 , 更加係屍沉大海 , 所以呢一驚真係非同小可 ,
縱然我有士啤相機 , 不過之前果幾日既相片冇晒 ,
呢個遺憾我絕對負擔唔起 , 依家總算係有驚無險 , 大步檻過 , 噓 ~~~
往 "函館" ~ 15:47 有車 (1號月台上車)
仲有 : 之前咪話俾 "有珠山" 果度耽誤左D時間既 ,
我最初既構思係由 A點 (即係左上角既八雲駅) , 沿海邊去B點果個景點 ,
叫做 : 鹿部間歇泉公園 , 之後再沿海邊行落 C點 "汐首岬" .
果度係全個 "北海道" 最近 "本州" 既地方 ,
可惜時間唔夠 , 唯有搵日再去過啦 .
原本諗住既路線 .
結果只能夠直落去 "函館" , 好似下面張相咁左上角A點去到B點 ,
不過後期計過 , 就算冇上 "有珠山" 果程 , 亦未必夠時間玩得晒 ,
因為條行車線實在太長 , 千祈唔好低估佢 , 去到仲要落車影相架嘛 ,
不過所謂 : 賽翁失馬 , 焉之非福 !
因為去到酒店果度 , 有D更加好玩既野等住我 .
行多一陣 , 又一個道之駅 , 叫做 YOU・遊・もり
裡面有好多土產野賣 .
繼續行 , 唔好俾佢停 .
之後終於明白 , 點解IC收咁貴都有人行 .
因為只要停一個燈位 .
或者稍為塞車 .
在高速公路都可以行十萬八千里 ,
所以用錢黎買番D時間 , 絕對係物有所值 .
幾經艱辛 , 終於都到達酒店 , 停部車在門口 ,
當時又係冇車位 , 問佢點算先 ? 點知佢話等佢攪掂喎 ,
難道係代客泊車 ? 之後佢俾個有號碼既牌仔我 , 另一個相同號碼既牌仔 ,
就穿在車匙度 , 起初都唔知做乜架 ? 咁就拎齊行李入去 Check in ,
架車就俾佢攪掂 , 又係果D填表格 , 影印護照 , 問幾點食飯 & 早餐咁啦 .
915室 , 入到去就勁咯 , 想生乜野事 , 下篇先講 .
安頓好行李之後 , 諗住落去取回番條車匙 ,
點知佢話為方便佢地泊位 , 所有車匙都放在櫃檯 ,
需要用車時就用之前俾果個牌仔問佢取回咁話喎 .
算啦 , 講個信字啫 , 最多所有貴重野都拎晒上房果度 .
就係呢張 , 意思同我諗既 , 應該差唔多掛 .
Bye Bye !
P.S. : 唔記得講果間酒店叫做 : 湯の川温泉 , 湯の浜ホテル
沒有留言:
發佈留言
歡迎光臨 , 如果時間許可 , 請留番個言丫 ~