2014北海道11天自駕遊D9-20 ぜるぶの丘篇

Hello ! 

上回講到參觀完 ケンとメリーの木 (Ken & Mary Tree) 之後 , 

5分鐘都唔駛就過到黎 ぜるぶの丘 , 中文譯做 : 亜斗夢の丘 .

講開呢度 , 印象就深刻咯 , 話說參觀途中突然落大雨 , 

於是飛奔往車裡 , 由於要保護相機 , 攪到差D仆街 , 真係險過剃頭 .  XD

停車場旁邊有個影相位 , 伸個頭入去變左向日葵 .  ^^

唔講唔知 , 當日一個遊人都見唔到 , 正式係包場黎參觀 .

高爾夫球參觀車 , 相信都未開檔 , 影低算數 .

ぜるぶの丘 總合案內圖 .

農地D花未種起 , 睇住呢D先啦 .  XD

乳牛長椅 .  ^_^ !!

呢部車 Cute D喎 , 係咪同價架 ?

呢款四驅車好似好勁 , 繞場一周單人乘500Yen , 兩位乘800Yen .

行上小小一片泥地 , 只有前面小小幼苗 .

再上D見到大草地 .

另一邊都係泥地 .

上到佢個招牌 , 開始天陰陰 .

果陣都知道將會落雨 , 不過諗住頂住先 , 咪落住呀 .

點知影完呢張即刻落大雨 , 粒粒都黃豆咁大粒 . 

要用跑100米 9秒9速度 , 由呢度飛奔往最右邊停車場 .

呢張相由官網取下 , 係呢度既全盛期 , 同依家比正式係天與地 .  >_< !!

上到車上面 , 本來想就咁算數趕下場 , 

但係未影完就咁走 , 條氣又唔多順 , 唯有等佢一陣睇下點先 .

幸好呢陣只係過雲雨 , 一輪衝鋒後就停雨 . Yeah !!

咁就再黎過 , 唔好俾佢停咯 , 停車場仲係地濕濕 .

ぜるぶの丘   營業中 .

歡迎光臨 , 美瑛 ~ 亞斗夢之丘 .

剛停雨仲係天陰陰 , 呢張唔算 , 一陣補番張光D既 .

四驅車有瓦遮頭冇濕到 , 係濕地下唶 .

展望台可以見到上篇既 ケンとメリーの木 喎 , 可惜 6月先Open .

落完雨D幼苗快高長大喇 . haha ...

雖然6月先Open , 不過都黎睇睇 .

呢邊有樓梯上 .

前面有繩欄住 , 參觀另一邊算數 .

涼亭一個 .

草地 + 泥地一塊 . 話咁快就參觀完 .

落番黎大招牌果度 .

棵樹都幾特別喎 .  ^^

依家5月尾 , 幾時先開始種花 ?

天色光番 , 補番頭先果張 , 呢張我鍾意 .

黃色 & 紫色 .

仲有 Snoopy .

參觀完畢 , 走得 .

其實仲有個紀念品部 , 不過冇乜幫襯裡面又淨得職員 , 

入去齋影又怪怪地 , 都係用眼參觀好過 , 所以冇相睇 .  =_= !!

Bye Bye !