2016北海道雪駕遊D10-3 大阪到著篇

Hello !

上回講到由 札幌駅 往機場 , 話咁快就有車黎 ...

經過約莫40分鐘車程 , 到達 新千歲空港 , 搵番Peach櫃檯 .

話時話 ~ 今次係第一次幫襯 Peach 航空 , 

即係往 北海道 就幫襯 Jetstar , 返 香港 就幫襯Peach .

叫做兩間都試下 , 聽講廉航坐位好窄 , 經過今次驗證 , 

兩間既坐位都唔會頂腳 , 放心幫襯啦 . haha ...

去到機場 , 睇番D水牌 , 好快就搵到Peach既櫃檯 . 

不過可能係早得滯 , 尚未開工 . (早知睇多陣電視先出門)

未開工已經有人排隊 , 唯有跟住排啦 .

地下有個磅 , 俾人計算寄倉及手提行李重量 , 自己戥番勻佢 .

終於等到佢開檔 , 快手攪掂D手續仲要行商店 .

呢條隊係排寄倉行李檢查 , 在呢度又有小型 蝦碌事件 .

話說今次帶左3粒相機電芯 , 其中1粒打左柴 , 於是將佢放在篋裡暗格 , 

用得果兩粒就放在隨身行李循環咁用 , 當時都遺忘左果1粒電 .

在過X光機時佢話件行李有問題要打開檢查 , 當時個心諗 :

有冇攪錯呀 ~ 內陸機咋嘛 , 駛唔駛開篋檢查呀 , 驚我藏鎗咩 ?

點知開篋後搵到打柴果粒鋰電池 , 果陣先至如夢初醒 , 

個心又諗 : 係喎 ~ 你好野 , 今次真係輸得心服口服 .  ^_< !!

我唔係敗不知恥既人 , 輸左就要認 , 唯有講聲 すみません .

攪掂晒寄倉手續 , 搵番條國內線 , 上多一層 .

途中經過商店 , 當然要行一行啦 .  ^^

呢度都黎過好多次 , 次次都咁旺場 .

好多野賣 , 花多眼亂 , 仲好吸引添 . haha ...

中間果度勁多人 , 攪乜鬼 ? 秋季大旅行 ?

天花板都好正 , 不下於香港個機場 .

呢盒朱古力如果係原物實大就正咯 . Yeah !!

果陣已經係中午12點 , 食些小野打底 .

食完再行多陣就入閘 .

LAWSON 補給站 .

郵便局 ~ 聽講有D租車公司既 ETC咭可以在呢度交收 .

公眾電話 .

差唔多喇 ~ 夠鐘入閘 .

過完關搵番 Gate5 KANSAI 12:45

有部機在恭候 .

正在運送行李 .

見唔見我果件呀 ? 

有機降落 , 班次都幾密喎 .

邊坐邊等邊上網 , 話咁快就夠鐘上機 .

上機中 ...

Peach 屬於細機 , 都幾好丫 , 上客都快D嘛 .

歡迎歡迎 , 入去啦 .

紫色既配搭 , 我鍾意 , 如果其他廉航服務差唔多 . 

而佢贏在機艙顏色 , 咁顏色設計果位就要加人工喇 . haha ...

宮崎航線介紹 , 真係識得做生意 .

個零鐘後 , 到達 大阪 , 落機中 ...

拎番件行李之後 , 黎到呢度 .

呢度係出境果陣既大堂 .

得幾間商店咁大把 .

呢D係自助Check Out 機 .

下篇正式進入 大阪難波 地帶 .

Bye Bye !