2014北海道11天自駕遊D1-1出發篇A

Hello !

拖左幾日 , 今日終於黎到出發篇 , 話時話 ~ 

其實我都好心急架 , 不過如果係熟客既話 , 都應該知道 , 

每次寫得旅遊網誌 , 都預左一佰幾十篇 , 大家當長篇劇黎睇啦 , 

有時日日出稿 , 有時隔日 , 總之點都會寫晒先至再出門咁啦 .

根據經驗 , 出發篇通常收視偏低 , 一於長話短說 .

好 ~ 閒話休提 , 即刻就出發 , Let's go ...

2014年5月22日 , 晨早出門 , 鑽石山地鐵站入口 .

兜兜轉轉 , 黎到機場出境大堂 , 搵番 ANA 櫃位辦理出境手續 .

攪掂就食早餐 ? 非也 ~

晨早出門 , 通常我都唔會食早餐 , 只係齋影相唶 .

再辦理好出境檢查 , 時間係08:49 .

睇睇個水牌 , 睇下幾多號閘口 ?

09:40 NH912 東京/成田 .

搭電梯又得 , 自動樓梯又得 .

好快就到達 Gate 32 .

仲有時間 , Check下個網誌 .

順便影埋部飛機 , ANA .

睇一陣報紙 , 話咁快就排隊上機 .

上機喇 .

攪掂 ~ 等候開機 , 1 ~ 2 ~ 3 起飛 ...

話明長話短說 , 派過飲品後 , 就係飛機餐 .

之前唔食早餐係有原因既 , 留定個肚食飛機餐 , 

所以次次都覺得飛機餐唔錯 , 乜都同佢清晒 .  ^^

有入就梗有出 , 次次食完飛機餐冇耐 , 

洗手間都會排長龍 , 終於都輪到我喇 , Yeah !!

如廁後記得洗手 . haha ...

當日揀左套 鐵金剛智破天凶城 .

睇完套戲亦係落機之時 , 總算攪掂第一Part機程 .

要轉接駁巴士 .

上車喇喂 .

到步之後排隊辦理打手指模入境手續 ,

當日唔算好多人 , 數過人數約莫排24個人就到 .

之後取回行李 , 今次出閘就犀利喇 , 係咁多次入境檢查得最仔細既一次 ,

將我D行李翻箱倒籠咁黎搜集 , 有D野甚至要拎去再一次照X光 .

好在真金不怕洪爐火 , 反正大把時間 , 就慢慢陪你地玩下啦 .

搜又搜完 , 問又問完 , 始終都要放人 , 出到黎就見到呢間果汁店 .

之後行過小小 , 搵返 ANA 櫃台 , 再俾件行李佢寄倉 .

聽晚見 ~

Bye Bye !