Hello !
上回講到參觀緊 NSS , 今晚黎個結局篇 .
轉過黎呢邊 , 真係有D唔敢相信 , 呢度居然有企鵝 ?
以我所知 , 企鵝應該係生活在 "南極" , 正式係越凍越正 ,
還記得當日曬到人都癲咁滯 , 得唔得架 ?
仲有海豹添 , 更加令人難以置信 ,
池裡究竟係咸水定淡水 ?
不過佢都仲未瓜柴 , 我諗係咸水掛 ? 另外右邊有野餵佢 , 100Yen1皿 .
浣熊 ?
跟住係鸚鵡 , 一共有四隻 .
黃色&綠色 , 支持巴西 ??
呢款最大路 .
唔見左個頭 ? haha ...
又係識得企果D Meerkat .
完全唔知寫乜 ?
有晒名堂喎 . ^^
再黎駝鳥 . (經Blog友更正 , 其實係 emu , 來自澳洲)
難怪條頸短D啦 ? 我諗同駝鳥應該有親戚關係掛 ?
跟住呢度就犀利喇 , 恐怖 ...
2012年5月3日生 , 2才 . (唔好以為好溫馴)
階下之囚 , 始終都唔多高興 .
獅子吼 , 勁 !!
隔離都係獅子 .
不過懶洋洋咁訓覺 , 唔願郁 .
果個恐怖餵食体驗都係咪攪 , 太刺激咯 .
下面係小狗合照時間表 .
各位博學既Blog友知唔知佢地係乜野 ?
呢D小馬騮就知 .
大網蛇 , 可以當頸巾咁用黎影相 .
參觀到呢度都係咁上下 , 摸完動物記得洗手 .
餐廳價目表 , D肉類會唔會來自呢度既動物 ? XD (請打橫睇)
紀念品部絕對唔小得 .
水豚毛公仔 , 過癮 .
大網蛇 , 呢條纏頸就夠膽既 .
動物模型 .
出番黎外面 , 呢度既宣傳廣告牌 ,
幾多野玩喎 , 不過6月7日先開始 , 早左黎添 .
好似釣魚咁 . =_= !!
抱蛇 , 抱鱷魚 .
午睡中的狗仔 . ZZZ
屋裡比較陰涼 , 醒目 .
攪掂晒 ~ 行到停車場 . (只係爛地一片咋)
一連四篇 NSS , 終於大功告成 ,
聽晚星期六休息 , 星期日再黎過啦 .
Bye Bye !
乜唔係揸車入去睇獅子老虎？
回覆刪除咁點解叫 safari 呢？
刪除呢樣真係問到我喇 ??
刪除上次睇jptimetv隻獅子仔，已經變咗監躉。唔掂，佢個籠細得可憐⋯⋯
回覆刪除斑馬咪又係冇乜奔跑空間 . =_= !!
刪除整体來講，私人動物園無乜錢，好山寨feel。
刪除係呀 ~ 同旭山比差好遠 , 不過可以近距離接觸動物 ,
刪除又勝旭山一籌 , 睇你鍾意邊一瓣 . ^^
斑馬都可能有機會拖佢行下，獅子就好明顯自生自滅。
刪除其實都幾慘, 如果獅子無病無痛就要困十幾籠.
刪除最慘係以前細個好靚仔，仲做生招牌。
刪除就算依家睇NSS website，都係登佢細佬時幅相。
動物園的宿命 , 自由與好食好住 , 二揀一 . >_< !!
刪除南非企鵝都頂得下熱, 果D唔係駝鳥而係emu, 籠果兩隻可能係水獺, 果隻未必係浣熊, 仲有邊度有老虎呀?
回覆刪除南非都有企鵝 ? 淨係知南極有咋 . XD
刪除我對動物都係一知半解 .
至於老虎 , 好似唔多覺有 ??
小姐, 原來佢地個 website 有齊D動物名
刪除哦 ~ 可以翻查有乜動物 . ^^
刪除好過啲民建聯，依家仲做埋行會成員，話北極有企鵝嗰啲唔知乜人，好多好多架啦
回覆刪除多謝安慰 . ^^
刪除返番黎喇嘛 . Welcome back .
北極有企鵝@@
刪除我只係知大陸乜都係假, 只有假髮係真
嗰位係“張國鈞”，唔係行會。
刪除其實我都唔知 "北極" 有冇企鵝 . haha ...
刪除IQ題: 點解北極熊唔食企鵝 ？
刪除比個籠困住，去唔到企鵝館卦
刪除身手冇企鵝咁好掛 , 一跳落水就完全冇得鍊 . ^^
刪除民建聯成功爭取北極有企鵝 ^^
刪除爭取北極有企鵝就小意思啦 ,
刪除如果成功爭取世界盃64場全免費 ,
咁先至民望急升呀嘛 . ^^
小姐, 樂天訂房有積分, 你有何用途?
回覆刪除積分唔係pay落下次booking咩？
刪除可以當然$網上購物
刪除以前記得可以轉落ANA Mileage。
刪除t : 樂天既積分只有一年限期 , 通常我都係用埋黎租酒店 ,
刪除不過除非上年遇到10倍積分Plan , 否則儲極都係有限 .
今次用左2000分黎扣 "甘露之森" , 慳番2000Yen .
唔係駝鳥, emu 嚟架, 它來自澳洲.....
回覆刪除哦 ~ 唔怪得硬係有D唔同啦 , 之前見到真正駝鳥 ,
刪除條頸長好多架 . ^^
係九洲餵過狮子既經驗，我都怕怕!
回覆刪除NSS無哂d 貓頭鹰啦?
樂天積分唔止一年期吧?! 我储咗幾年先開始用
九州邊度有得餵獅子 ? 可否話我知 , 等我做個記錄 ,
刪除解決晒 北海道 可以會一會佢 . ^^
NSS 有冇貓頭鷹 ? 又好似唔多覺喎 .
樂天積分我年年都清晒 , 其實都唔係太清楚有冇年限 ? XD
就係呢個動物園啦~ アフリカンサファリ(九州自然動物公園)
刪除http://www.africansafari.co.jp/index.html
真的有貓頭鷹架, 仲要唔同種類添, 有相為證架, 可以睇番我個blog
http://smallovegrass.blogspot.hk/2008/08/9-day7.html
你地講九州那個，KT小姐去完不久，剛剛寫完。
刪除http://kittystitch626.blogspot.hk/
Fung Mandy : 真係有貓頭鷹喎 , 仲好多個品種添 , 勁呀 ,
刪除另外你D相影個好正 , 相比之下我果D完全唔掂 . ^^
多謝你既動物園資料提供 .
コーさん : 咁正 ? 咁就要去睇下喇 , 多謝資料提供 .
刪除果個動物園我都剛去完, 不過寫唔切個blog, 等我都去KT小姐度逛逛先
刪除man wai你D相都唔弱呀, 有D好有深度喎
KT小姐話果度有豬籠車坐之外 , 仲可以自駕入去 .
刪除(不過唔可以開窗兼要租DVD機黎介紹地方)
唔知係用自己部車還是臨場再租佢地既車呢 ?
你知唔知道呀 ?
P.S. : 我D相都有深度 , 登時信心大增 . haha ...
自己車。
刪除コーさん : 自己車都得 ? 容乜易發生死火事件而成為猛獸晚餐 ?
刪除或者有D人唔知訂走落車餵飼 , 結果自己成為飼料 . XD
又或者車死D猛獸 , 風險都好高唶 .
可以直接揸自己駕私家車入去，不過只可以齋睇，唔可以開窗，兼無得餵食，仲要沿途有車保護(監視)
刪除Fung Mandy : 雖然係咁 , 不過都好似好牙煙 , 話晒都係猛獸 . =_= !!
刪除所以都係坐豬籠車好D
刪除你一個人，自駕入又好難影相，都係坐豬籠車好D x2。
刪除我又唔知man wai小姐識驚喎，一向都膽色過人架。XD
Fung Mandy : 我都係咁話先算啦 , 豬籠車穩陣好多 , 仲有餵飼節目添 . ^^
刪除コーさん : 雖然我係有些小膽色 , 不過都有極限 , 太離譜既始終唔敢試 . ^_< !!
刪除另外講係咁講 , 都唔知幾時先至會去果度 , 一切都係齋up . XD
刪除未來數年相信都係以 北海道 為主場 . ^^
北海道主場 x2
刪除Yeah !!
刪除動物們很慘。
回覆刪除無辦法啦 , 呢樣野都幾無奈 .
刪除