2014北海道11天自駕遊D2-2定山溪篇

Hello !

上回講到食完早餐 Check Out , 往 Toyota 取車 .

幾個街口之後就到 , 札幌駅北口店 .

(門口都擺部車響度 , 部車仔細細 , 幾得意喎)  ^^

入到去拎張Book車A4紙出黎俾佢睇 , 佢就識得做野 .

之後再拎 Passport & 國際牌俾佢 Copy , 

最後俾埋信用咭佢碌 , 基本上手續差唔多攪掂 .

上篇話點解鍾意幫襯呢間分店 , 其實只係一個字 .

所謂 : 一字記之曰 ~ 快 ! 

之前幫襯京王果間分店 , 好多野問 , 詳細唔係唔好 , 

不過我唔多受囉 , 呢間就簡單好多 , 如果想睇詳細版 , 可以Click入下面網址 , 

睇番上年既情況 , 今年同上年差唔多 , 都係咁快手 .

http://1226manwai.blogspot.hk/2013/08/2013_1516.html

無事故繼續001日 , 呢塊牌係咪嚇鬼架 ? 次次都係得一日 , 

即係早日有事發生 ? 炒車既話真係大蝦碌事件咯 , 大吉利是 ~

當日得我一個人出車 , 冇其他人 , 所以好快就攪掂 .

攪掂就由側邊呢個門出去隔離停車場 . 

上車前繞場一周 , 睇下部車有冇傷痕 , 有既話叫做圈起佢 , 

記錄低就可以上車 , 上車後佢問我係咪第一次租混能車 ?

我話之前租過 AQUA , 佢話D制動系列一樣 , 詳細可以睇番呢度 :

http://1226manwai.blogspot.hk/2013/08/2013.html

最後講解埋 GPS點用就OK , 呢款GPS係第一次見 , 

不過萬變不離其宗 , 係咁咦講一講就明 .

之後就出發 , 離開租車公司後 , 停在附近Set好副架生先 .

點知搵極都唔見呢個插位 , 要渣番部車去佢度 , 

搵佢出黎問 , 先知係呢個位 , 乜收得咁埋呀 . XD

終於都攪掂晒 , 可以出發 , 第一站係 "定山溪" .

經過多次經驗 , 今次兜兩個圈 , D Feel 返番晒黎 .

雖然隔左一整年冇掂車 , 不過功力有增冇減 .  ^^

有差佬 , 小心 . haha ... (小心都冇用 , 過幾日都會中招)

大約個半鐘 , 到達 "定山溪神社" .

求番支好籤先 .

足湯毛巾機 . (今次冇買毛巾)

呢個就係足湯喇 .

穴位介紹 .

有人浸緊添 , 都係唔好騷擾佢 , 我旨在參觀 .

部車就停在下面 , 影幾張相 , 好快上車 .

好快就過隔離 "二見公園" .

小河童 .

大河童 .

沿住 "二見吊橋" 方向行 .

邊行邊欣賞條溪流 , 水質尚算清澈 .

兩旁係旅館區 .

仲記唔記得落雪時黎過呢度 ?

上多段樓梯就到 .

前面就係 .

二見吊橋入口 .

今次第一個任務就落筆打三更 , 帶左包貓糧準備餵貓 , 

點知去到一隻貓都見唔到 , 點攪呀 ?

唯有要黎餵海鷗啦 .

好 ~ 下篇上吊橋 .

聽晚見 .

Bye Bye !