2014北海道11天自駕遊D1-2出發篇B

Hello !

上回講到經過一輪問話之後 , 終於放人 ...

出閘後行過 "國內線" 果邊 . (右手邊丫 , 唔該 ! )

前面就係喇 , 交低件行李俾佢就攪掂 .

再一次檢查手提行李之後 , 黎到候機室 , 

如果黎過成田呢度轉機 , 應該都知道大約情況 , 

呢度只得 Gate A - H 與及一個小賣部 , 果陣只不過係 16:00 , 

仲有排等 , 係咁咦買份三文治 , 同埋爽健美茶 .

唔夠喉既話 , 拎埋頭先機上派既果仁 & 朱古力餅 .

食完都仲有排等 , 記得當日在呢度回覆網誌既回應 .

而呢度係 Gate H , 點解黎呢邊 ? 因為有部接駁巴士停在外面 , 

D死氣谷晒入黎 , 整個候機室都充滿死氣 , 

呢樣亦可以解釋點解次次轉機都會頭痛 , 

要在毒氣室等兩粒鐘 , 唔頭痛就有鬼 , 幸好今次只屬輕微 .

過返黎呢邊 Gate A , 18:50 札幌 Sapporo .

ANA , 應該係呢部機喇掛 .

等到心痛之後 , 終於都夠鐘上機 .

今次坐機頭位置 , 好似係 8B .

大約 1.5小時之後 , 到達 新千歲機場 , 拎番件行李之後 , 

睇下個水牌幾時有車 ? 21:04 有一班車出札幌 .

JR線 (新千歲空港駅) , 搭自動樓梯落下面丫 .

新千歲空港駅 .

買飛先 , 1070 ? 起左價喎 , 上年好似 1040 咋 .

札幌 - 米子 9600Yen . (邊度係米子 ?)

札幌岡薩多 ~ 依家在 "日本乙組聯賽" 排名第15位 .

札幌 - 東京(羽田) 片道 8800Yen .

第7師團創隊59周年 .

約莫 36分鐘車程就到達 "札幌" , 到步後第一件事往酒店 .

Check in 過後擺低行李就即刻出去食飯 , 

但係當時已經 22:10 , 好多店舖都收工 , 食乜野好呢 ?

經過 "味之時計台" , 咦 ~ 未收工喎 , 入去咯 .

時間係 22:18 , 入到去求其叫碗拉麵就算 , 都唔駛咁講究 .

因為聽日要早起 , 食得太金既話 , 要攪到好夜先訓 .

估唔到咁夜都有D客喎 , 呢間分店有得做呀 . haha ...

衣架冬天要黎掛大褸 , 依家用唔著咯 .

參觀途中拉麵到 , 咁多位 ~ 開餐喇喂 .  ^^

盛惠 918Yen , 多謝晒 !!

隔離有間 "松屋" , 都係未關門 , 下次可以諗諗佢 .

返到房第一件事就係上網 .

旅行 ROUTE .

順便睇埋有乜港聞 .

房裡有部空氣清新機 , 有加濕功能喎 , 

咁就係咪都開左先 .  ^^

攪掂埋D手尾就訓覺 , 間房下篇先介紹 .

第一日完 .

聽晚星期六休息 , 星期日見 .

Bye Bye !