2014北海道11天自駕遊D2-10支笏湖篇B

Hello !

上回講到在觀光船售票處等上船 , 終於等到夠鐘 , 

第一時間即刻衝上船 , 其實又唔駛咁心急 , 

皆因呢班船有三個人 , 一個船長 , 一個水手 (即係工作人員)

只係得我一個乘客 , 正式係包艇黎玩 .  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

上到船裡面 , 工作人員叫我先落下層 , 一落去 ~ 即刻嘩左一聲 .

船艙下層就係咁樣 , 中間有兩行好矮既長凳 .

左右兩旁有玻璃窗 , 觀看水底風景 .

令我嘩一聲既就係佢地 , 勁呀 !!

上面望落去唔多覺 , 原來下面有咁多魚仔 .

支笏湖的魚仔們 .  ^^

水底係平面砂石 .

睇完水底上番上面 .

一齊參觀下呢隻觀光船船 , 裡面係駕駛室 .

以觀光船黎講 , 都叫做OK丫 .

整整齊齊之餘 , 亦唔會太殘舊 .

講多兩講都行左好遠下 .

最遠處係紅色果條橋 .

上得呢類觀光船 , 任務只有一個 .

就係不停咁影相 .

倒後鏡 .

波平如鏡 , 零舍好行 .

旁邊有D小島 , 我問佢呢度同 "洞爺湖" 比 , 邊度大D ?

佢話 "支笏湖" 大過 "洞爺湖" 喎 .

行到淺水區域 , 佢話有野睇 , 準備定相機 .

因為上面同下面都有野睇 .

先睇上面 , 岸邊D岩石好正 .

下面亦都唔簡單 , 落去咯 .

過左廟添 , 都係D好靚既岩石 , 同岸邊果D差唔多型態 .

張相未必睇得清楚 , 右下邊有D繩勾住湖底 .

上面就係D浮波 , 以防駛得太埋而擱淺 .

觀光船未完架 , 聽晚再黎睇埋下篇啦 .

Bye Bye !