2014北海道11天自駕遊D2-9支笏湖篇A

Hello !

上回講到到達 "支笏湖" 外圍 , 今晚繼續 ...

行多一陣就到支笏湖觀光船果頭 , 附近果D停車場有大叔收費 , 

只要一入停車場 , 佢地就識得做野 , 話時話 ~

今次行程所停既有料停車場 , 比之前每一次行程都要多 , 

正式係俾錢都俾到手軟 . haha ... (支笏湖停車場410Yen)

好完美既泊位 , 勁呀 !!

另外有樣值得一提 , 就係今程昆蟲勁多 . (又係之前從未試過)

租車一日都未夠就車死一佰幾十隻 , 之後陸續有黎 , 慘不忍睹 .

呢個湖都幾旺場 , 泊左好幾部出租車輛 .

向住觀光船方向行 , 沿途見到燒粟米檔 .

當時都未食午餐 , 250Yen一條 , 整番條都好喎 .  ^^

可能肚餓啦 , 味道唔錯 . (記得叫做落燒汁)

落到觀光船附近 , 先黎張案內牌 .

睇多兩睇 , 有團旅行團殺到 , 講普通話 , 唔知係台灣還是強國 ?

翠明閣 , 應該係餐廳 Cafe .

一旦有團到就好難搵位影相 , 唯有搵埋佢做Model啦 .

1 ~ 2 ~ 3 笑 ... Yeah !!

襯有小小空檔 , 乜野唔駛講 , 即刻無影手影番幾張 .

上圖有三個山 , 分別係 : 樽前山 .

風不死岳 .

惠庭岳 .

影完招牌過隔離鴨仔船 .

1台30分鐘 , 1500Yen .

鴨仔船呢類體力化活動 , 都係留番俾一家大細 , 觀光船比較適合我 .

裡面有D觀光案內 .

仲有小食部 .

水中觀光船料金 , 大人1620Yen .

買飛等候上船中 ...

襯未夠鐘 , 四圍影相先 .

除左正宗觀光船 , 仲有高速船 .

就係佢喇 , 幾有型喎 .  ^^

遠處有條紅橋 , 攪掂觀光船先過去參觀 .

好 ~ 夠鐘上船 .

下篇一齊參觀呢隻水中觀光船 , 下面好正架 . 

Bye Bye !