Hello !
12日既 "北海道+青森" 之旅 , 立即展開 .
唔講唔知 , 出發前一晚 , 興奮到訓唔著咁滯 ,
整晚幾近眼光光 , 好彩仲知醒如期出發 . ^_^ !!
首先搭地鐵往 "荔景" 轉 "青衣" , 再轉 "機鐵" .
時間係 A.M.7:30 , 地點係 "機鐵" 月台 .
行駛中 ...
晨咁早 , 機場都好多人 .
搵番ANA櫃檯 , 前面有幾部自助登記機 ,
不過我通常都用櫃檯攪掂 , 反正都要俾件行李佢寄 .
ANA果邊好小人 , 得一兩個人 , 幾近唔駛排隊 .
CX呢邊就唔同咯 , 賓墟咁既場面 , 見到都驚 .
交件行李俾佢 , 拎埋張登機証就行得 .
個麵包當早餐 , 叉開小小講 , 好多Blog友覺得飛機餐麻麻 ,
我覺得OK丫 , 可能因為上機前我唔多食野 ,
一直磨到上機先食 , 所以覺得飛機餐唔錯呀 .
如果冇乜其他野攪既話 , 人閘咯 .
攪掂晒出境手續後 , 過到黎呢一邊 , 時間係 A.M.8:30 .
(我好鍾意影呢個鐘 , 每次過完關都影番張)
睇睇個水牌 , 搵番邊個Gate上機 .
好遠呀 , 要搭無人駕駛列車 .
Gate34就係 , 不過前面有部電腦俾人上網 , 幾大都玩番兩手先 .
係咁咦玩一陣就過隔離候機 , NH912 東京/成田 .
就係呢部機 , 等多陣就可以上去 .
入去咯 .
開機後冇耐就派飛機餐 , 冬姑飯&冷麵 , 鬼咁肚餓 , 唔客氣喇 .
真係乜都同佢清晒架 .
食完個飛機餐 , 睇番套 "寒戰" ,
之後好快就降落 , 叫做攪掂半程啦 .
落機 , Bye Bye !
要轉接駁巴士去大堂 .
點解咁小人 ? 因為之前果部迫爆 , 下一部咪人小小囉 .
在大堂排隊等入境手續 , 都係打手指模果D啦 ,
之前咪好似話要探熱既 , 唔駛既 , 好似平時咁唶 .
只係派多張紙俾你 , 有乜頭暈身慶就通知聲佢咁啦 .
攪掂晒所有入境手續 , 等候領取行李中 ...
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~