2013北海道&青森12天自駕遊(修訂版)D3-2奧尻島到達篇

Hello !

上回講到及時趕到上渡輪 , 呢篇繼續 .

講開搭船 , 在 "北海道" 都試過好幾次 , 分別係 "洞爺湖觀光船" ,

"積丹展望船" , 同埋 "網走破冰船" . 

不過講到有二等室可以休息既船 , 今次都係首次 , 

攪掂 "奧尻島" 呢程之後 , 連隨再試埋來往 "青森至函館" 呢條航線 .

果艘船比呢隻更加大 , 到時再黎個詳細介紹 .

返番黎呢邊先 , 經過一段時間 , 隻船已經開到好遠 .

上篇咪話運車呢部份好爆滿 , 呢度望落去 , 

車頭都突埋出黎 , 擺呢個位都幾著數 , 一到步就可以上岸 .

再次行出走廊 , 呢度好有乘風破浪Feel .  ^^

一齊唱歌 , 時時望前莫退 , 人人莫愁無伴侶 , 

迢迢路長萬里 , 也未覺疲累 ...

唔好睇好似好大浪 , 其實船速唔算好快 .

否則點會短短航程 , 都要2小時20分鐘才到達喎 .

影到夠皮 , 都係時候返回船艙 , 非常案內圖 , 

雖然就大吉利是 , 不過睇定點都有著數 .

經過売店 , 依然係冇乜生意 .  =_= !!

返到我私人基地 , 隔離位啊伯在休息中 ...

襯呢段時間打點好一切 , 原來船上有地圖 , 早知唔駛畫得咁辛苦啦 .

今次帶埋呢幾樣野同行 , 把遮有去冇回 , 

因為吹到反晒骨 , 最後仲不知所終添 .

另外包餅乾本來預黎餵海鷗 , 點知要黎餵自己 .  XD

單車鎖亦都用唔著 , 因為去到租車 . (呢樣遲D再詳談)

行多一陣 , 終於見到呢個 "奧尻島" .

全速前進 . haha ...

話咁快就泊好隻船 , 見唔見藍色衫戴白帽果位呀 ?

落船時要交張船飛俾佢 , 所以張船飛唔好一上船就掉呀 .

掂未 ? 一齊落船咯 .

我係最後一個落船 .

慢慢行 , 唔駛急 .

2小時20分鐘船程 , 到達呢個傳說中既 "夢之浮島" .

呢間係案內中心 , 售票處 , 

食堂 , 紀念品部 , 全部集於一身 .

一落船即刻有人上船 , 幾好生意喎 .

Bye Bye 大船 , 聽日見 .

當時落緊毛毛細雨 , 唯有開遮 .  >_< !!

影埋碼頭呢Part , 就入去內陸地方 .

北海道南西沖地震復興記念 .

雖然有漢字 , 不過都唔知佢講乜 ?

呢個碼頭都幾多野影 .

OK ~ 碼頭呢度攪掂 , 入去裡面避雨 .

售票處 , 聽日嚮度買飛搭第二班船返 "江差" .

遠處有Locker , 可以暫存物件 .

呢幾位我諗係乘客掛 ? (還是釣魚人士 ?)

離開碼頭 , 向第一個目的地進發 , 食堂大部份都冇開檔 .

ENEOS油站 , 聽日嚮呢度入油 .

Bye Bye !