2014北海道11天自駕遊D6-9層雲峽溫泉 朝陽リゾートホテル 房間篇

Hello ! 

上回講到參觀完行到腳軟既 "双瀑台" , 

即刻趕往旅館 Check in , 雖然天色未黑 , 不過比預期中晏 , 

再唔去既話以為我甩底就唔係幾好啦 .  XD

幾分鐘車就到達 , 擺好部車就行得 .

今晚旅館叫做 層雲峽溫泉 朝陽リゾートホテル .

呢間又係專做團體生意 , 行李一堆堆放在大堂 .

另一邊又一堆 , 好旺場咁喎 .  ^^

前面就係 フロント .

辦理好手續就上房 , 今晚住 6014

襯天色未黑 , 先影外面 , 一打開窗 , 水聲荷荷聲 , 勁 ! 

點解咁大聲 ? 因為下面係一條河流 .

房間面對山景 , 一片翠綠 , 加埋流水聲 , 絕配 .

可惜條河俾樹遮擋左 , 稍為扣分 .

水流好急架 , 不過要現場先感受到 .

窗外好似山洪暴發咁聲 , 夜晚豈非唔駛訓 ?

又唔係喎 , 只要一關窗 , 間房靜到烏蠅飛過都聽到 . (咁又誇左D)

總之就完全聽唔到流水聲 , 隔音設備一流 , 呢樣值得一讚 .

攪掂外面 , 輪到房裡面 , 先黎個全景 .

呢張沙發坐得好舒服 , 買張差唔多款擺屋企都好喎 . haha ...

可惜沙發唔係對正電視 , 又要扣分 . XD

兩張床 ~ 揀前面呢張啦 .

磨砂玻璃浴室 , 型呀 !

企位花灑 , 冇所謂 ~ 有溫泉嘛 .

花灑頭 , 普通料唶 .

洗手盆 , 合格 .

最後一擊 .

皆因要落去食晚餐  , 早餐 & 晚餐券 .

呢度既晚餐同當日 北湯沢温泉郷 一樣 , 兩個字講晒 , 利害 .

聽晚再講 . 

Bye Bye !