2014北海道11天自駕遊D7-15 星野リゾート トマム 晚餐篇

Hello !

上回講到參觀完 Tomamu 既房間之後 , 

即刻就落去搵食 , 唔知之前有冇講過 , 今晚酒店個 Plan 唔包晚餐 , 

簡單D講即係食自己 , 本來在便利店都買左D乾糧頂檔 , 

不過一場黎到唔幫襯下佢既餐廳 , 又好似有D入寶山空手回Feel .

咁就落去睇下點啦 .  ^_^ !!

有3部高速電梯 , 咁就唔駛等餐飽啦 .

落到樓下向住 水之教堂 方向行 , 條通道充滿時光隧道Feel , 

有瓦遮頭都幾好丫 , 唔駛好天曬落雨 & 雪淋 . 

通道裡面有D小擺設 , 幾有藝術細胞喎 .

隻狐狸整得幾過癮 , 讚呀 !

拎住張地圖去到 水之教堂 附近 , 不過搵唔到入口 , 

於是問下D職員點去架 ? 佢話果度唔係隨時可以參觀 .

開放時間係 21:00-21:30 , 差唔多時間在外面排隊 .

(呢樣唔講真係唔知 , 我一直都以為長期開放任參觀)

既然要等 , 不如就在呢度食晚餐 , 正所謂食住等就係咁解 . haha ...

跟住問佢呢度食自助晚餐幾多錢呀 ? 佢答 5400Yen .

OK啦 ~ 話平唔算平 , 話貴亦唔算太貴 , 屬於可接受範圍內 , 

咁就一於成交 , 入去坐落 , 先黎個周打蜆湯 , 飲完自己出去拎野食 .

我就坐呢個位置 , 食物在 11點鐘方向 .

老規矩 ~ 先黎個臨場視察 .

都算幾多野食 , 轉灣果度仲有D鐵板燒 .

咖啡當然唔小得 .

第一味就試佢既鐵板燒 .

OK喎 ~ 肉質唔會太過粗鞋 .

跟手試佢既意粉 , 有樣野好奇怪 , 每次佢整意粉 , 

必定整兩碟份量 , (試過兩次都係咁) , 我只係要一碟 , 食完再一次N歌 , 

佢又係整兩碟 , 咁另外一碟去左邊 ? 唔好話我知倒左去 ??

味道又係唔錯 , 好重芝士味 , 正 .

咁正就黎多個 Round , 今次試另一種味 , 一樣掂呀 .

之後介紹其他野食 , 肉類冷盤咁啦 .

蕎麥麵都有架 .

炸雞 .

豆腐 & 小炒 .

鐵板燒都要黎多個 Round . Yeah !!

經過多次火拼之後 , 最後係甜品 & 咖啡 .

食完呢餐豐富既晚餐 , 埋單後過隔離排隊準備入場 ,

Wow ~ 點知已經有好多人在排緊隊 , 正式係賓墟咁既場面 , 認真唔簡單 .

(牆上D壁畫影得好鬼死正 , 我就點都影唔到 , 佩服)

點唔簡單法 , 下篇話你知 .

Bye Bye !