Hello !
上回講到參觀完 芝ざくら滝上公園 同埋部直升機 ,
即刻去隔離 虹の橋 參觀 , 上篇段片都睇到有幾近距離架啦 .
呢張相係官網圖片 , 充滿童話故事 Feel , ^_^ !!
不過我唔係在呢個角度拍攝 , 佢呢個角度好睇好多 .
OK ~ 睇番自己果Part , 先黎個全景圖 .
流水潺潺 , 正 !
除左好睇 , 仲好好聽架 .
柳田初太郎住居跡 .
水流都幾急 .
上面係另一段支流 .
呢邊平靜好多 .
再黎張全景圖 , 雖然角度冇官網果張咁正 , 不過都唔差架 . 點解 ?
因為有藍天白雲襯底囉 . ^^
Zoom近D睇 .
行後小小影 , 又睇下點 .
行高小小 , 另一個角度 .
攪掂 , 上車走得 .
今晚簡簡單單 .
Bye Bye !
心曠神怡, 我都好想去下~~
回覆刪除咁就快D去考番個牌先啦 , 再籌備一下 , 好快就出發喇 . haha ...
刪除我十月都出發啦~~今次去名古屋加白川鄉同黑部峽谷 , 呢排都搵緊料呢
刪除立山黑部友季2010年7月都去過，都係名古屋出發，一定要去埋千里濱，真係好正 ❤
刪除小頭 : 咦 ~ 出發喎 , 正丫 , 玩得開心D , 買多D手信 . Yeah !!
刪除友季 : 你既遊歷都好豐富下喎 , 利害 ~
刪除我就黎黎去去都係北海道 . =_= !!
冇啦，立山黑部果次係齊齊整整最後一次去日本，之後兩年冇去旅行和家人一起抗癌，三個親人都前後去世之後都不想遠行，直到上來見你一個都可以去旅行，所以先學你，一個人租車上路，去完 6月二世古和積丹，全個北海道去過一次了，總算嘗了心願，還想在二世古滑一次雪，唔知在世有冇機會，總之行得走得，去得到又有能力就見識多啲。友季要在此多謝 man 姐姐的遊記啟發，感激不盡。
刪除(╥﹏╥)
友季 : 原來妳有咁非凡既經歷 , 真係唔知講乜 ...
刪除點都好啦 , 希望妳二世古之行 , 能夠圓滿妳既心願 , 玩得痛痛快快 . ^_^ !!
咁又唔駛感激不盡咁誇 , 估唔到我既網誌有咁大影響力 ,
總算冇白費心機 . Yeah !!
友季: 千里濱等我好好收集一下資料先. 謝謝你丫 , D吾好既野過左去咖啦~~將來會愈來愈好的~~
刪除MAN WAI : 哈哈你個網好大影響力啦 日日放北海道毒, 等我地個個都中哂北海道毒
小頭 : 唔知有幾多Blog友因為睇完我網誌而自駕遊呢 ?
刪除日本旅遊發展局俾番些小著數我好喎 . (特別係北海道) haha ...
依家一條心等緊 man 姐個裸男~~希望唔係阿伯啦
刪除小頭 : 用千里浜 search 會多啲資料
刪除能登有料道路千里浜IC
友季 : Wow ~ 用到一條心黎等 ? 好大壓力喎 .haha ...
刪除俾個預告你 , 啊伯就唔係 , 係後生仔 ,
不過由於隔得幾遠黎影 , (怕被發現) 所以質素一般 . XD
友季 : 原來千里浜在 能登半島 附近 , 係咪即係 東尋坊 果頭呀 ?
刪除我對果邊比較陌生 . XD
唔講唔知 ~ 除左北海道 , 我最想去既就係能登半島 .
係呀! 順路如下:
刪除敦賀 >> 東尋坊 >> 金沢 >> 近江町 >>兼六園 >> 石川縣輪島朝市 >> 千里浜 >> 立山黑部 (住宿在天狗平山莊)
嘩! 後生仔咁正 ???
友季 : 另外想請教 , 通常去果度(能登半島)會由名古屋中部機場 ,
刪除定抑或大阪機場 ?
P.S. : 係後生仔唔係啊伯 , 耐心等候啦 . haha ...
友季係去完上海世界博覽會再去名古屋中部機場，當年仲貪平坐大陸東方航空，卒之出事寄失行李，好彩喺名古屋留三日遊覽，航空公司第二日用猫猫宅急便送返行李去酒店給我，自此之後友季 blacklist 大陸航空。
刪除嘩! 精彩野一定等 hehe ...
嘩 ~ 寄失行李 , 果然夠驚嚇 , 好彩有驚無險 . =_= !!
刪除何止要Blacklist , 直情永不錄用啦 .
唔該晒 , 他朝去能登半島 , 取道名古屋啦 . THX
多謝妳既回覆, 正在準備自駕遊, 但未試過, 所以好多野都唔識....
回覆刪除唔駛多謝 , 應該既 .
刪除如果有問題 , 歡迎交流一下 , 我識既話一定解答 .
唔識既話都可以轉介俾 コーさん , 佢係日本大行家 ,
我知既佢全部都知 , 我唔知既佢都知 , 堪稱自由行字典 .
不過佢依家外遊中 , 要等佢返黎至得 . ^_^ !!