2014北海道11天自駕遊D7-9 然別湖篇A

Hello !

上回講到在 三国峠 稍息過後 , 再經過一輪火拼 , 

終於到達呢個傳說之中既 然別湖 , 聽聞呢個湖在冬季有個露天溫泉 , 

可惜依家係夏天 , 無緣會一會佢 , 而講開呢個湖就多野講喇 , 

所以要分幾篇黎寫 , 今晚睇住篇A先啦 .  ^_^ !!

下面就係 然別湖 及觀光船碼頭 .

前面係旅館 , 叫做 : 然別湖畔温泉ホテル風水 .

之前都有諗過入住 , 不過要就番行程 , 最後揀左 Tomamu .

既然諗過入住 , 都叫做有D緣 , 借住個位黎擺車 , 相信都唔會介意 . haha ...

原來對面有停車場 , 依家睇番D相先留意到 , 真係唔好意思喇 .

對面仲有其他旅館 .

講多兩講又有車殺到 .

落車喇喂 .  ^^

然別湖周邊案內 .

現在地 .

落去咯 .

右手邊 , 然別湖畔 ~ 足湯 .

左手邊有石碑一塊 , 唔知寫乜 ?

全個湖大部份都係懸崖峭壁 , 得呢個位可以上落 .

除左觀光船 , 仲有艇仔 .

果日都幾曬 , 扒艇既話 , 容乜易變乾煎鹹魚 , 都係咪攪 .

全個湖都禁釣 .

ボート使用上之注意事項 , 用漢字黎估 , 都估到八九成 .

售票處 .

15:00開船 , 大人1000Yen .

又有幾項乘船注意 .

觀光船兩隻 .

左右各一隻 , 開邊辦呢 ? 

輪到參觀足湯 .

咦 ~ 有人影緊相喎 , 都係唔好騷擾佢 , 影住其他先 .

先影石碑一塊 .

再影湖光山色 .

轉個頭就OK , 可以參觀足湯 .

D水泥黃色 , 我就唔夠膽浸 . XD

呢個位不斷有水湧出 .

如果冇估錯 , 呢度應該係旅館露天風呂範圍 .

過番去觀光船果邊 , 又到抉擇時刻 .

上篇講既做決定 , 就係決定幫唔幫襯觀光船 .

皆因當日又係一個人都冇 , 如果我買飛上船 , 就算得我一個都要開船 , 

咁樣唔好話賺 , 基本上連油錢都蝕埋 .  =_= !!

之但係唔幫襯既話 , 求其影兩張相就走 , 山長水遠黎到 , 又好似好無謂 .

所謂人不為己 , 天誅地滅 . haha ... 反正 支笏湖 都試過一次 , 

大沼 又試過一次 (兩個人) , 一件污就兩件穢 , 就算一個人都要你開船 .

買飛之後等上船 , 再在附近參觀一陣先 .

下篇一齊上船觀光 .

Bye Bye !