Hello !
上回講到返回二等室休息 , 呢篇繼續 .
起初諗住瞌番陣 , 點知一瞌就出事 .究竟發生乜野事 ?
話說當時好夢正酣 , 唔知隔了幾耐 , 突然響起廣播聲 ,
內容係話隻船即將到達 , 請各司機準備埋位 .
果陣瞌開個頭就俾佢嘈醒 , 睡眼惺忪之下真係好難頂 .
原先我諗住去到 "青森" 後 , 求其泊個地方在車度訓到聽朝 ,
依家訓開個頭又冇得再訓 , 真係有D想死既感覺 . XD
萬般不願之下 , 都要落停車場Stand By .
可能係夜航 , 即使多幾部大貨車 , 距離滿座甚遠 .
唔講唔知 , 部部車都撻定匙 , 現場可以話廢氣沖天 .
行快兩步 , 上車先講 , 企耐D都缺氧 .
咦 ~ 隔離部Prius個牌幾靚喎 . NO.1
好快就開閘 .
落船之後望一望個GPS , 畫面一片海洋藍色 , 得番個箭咀 .
嘩 ~ 攪咩野呀 , 唔通個GPS , 淨係可以在 "北海道" 使用 ?
好彩唔係 , 過多一陣D料飛番黎 , 一切回復正常 , 嚇死人麼 .
去到 "青森市" 內 , 夜媽媽 , 要搵個清靜地方泊埋一邊就唔難 ,
不過司機位唔好訓 , 上次在 "知床" 已經領教過 ,
以依家既狀態再在司機位磨幾粒鐘 , 聽朝未必有著數 ,
倒不如求其搵間 "平平地" 既酒店訓埋餘下既時間先算 .
(其實唔係求其架 , 在 "香港" 已經搵足料 , 我份人永遠都有兩手準備)
本來想住 "東橫Inn" , 不過唔鍾意佢既停車場方式 .
去到另一間酒店 , 入停車場泊好部車 , 行去櫃檯 ,
不過冇人嚮度 , 唔通佢都瞌番陣 ? 唯有按叮叮Call佢出黎 .
以下對白請轉成日文 :
唔該 , 我冇預約 , 請問有冇單人房呢 ? 仲要至平果隻喎 .
佢Check一陣 , 好快就答 : 有呀 4780Yen , 另外停車場550Yen ,
包早餐兼溫泉任浸 , 明早10:00Check Out , OK嘛 ?
加埋即係5330Yen , 大約420港幣左右 , 殺你啦 .
就係咁 , 攪埋D手續就上房 , 插好相機叉電之後 ,
乜都唔好講 , 即刻訓覺 .
Bye Bye !
第四日完 .
~~~~~~~~~~~~~~~~~~~~~~~~~~~~~~~~~~~~~~~~~~~~~
同場加映第五日早上 , 由於實在太好訓 ,
所以晏左小小起身 , 加上橫掂俾左錢 , 點都要浸埋個溫泉 ,
再食埋早餐 , 結果晏上加晏 , 之後既行程都Cut了幾個景點 ,
所謂 : 牽一髮動全身 , 就係咁解 .
唔記得介紹 , 酒店名叫 Hotel & Spa 青森センターホテル
御朝食券 , 平成25年5月13日 , A.M.6:30~A.M.9:00
收據兩張 , 酒店 & 停車場 PAID .
Spa & 早餐處案內圖 .
呢度既規矩 , 早餐 & Spa 都係土足嚴禁 , 即係要除鞋 .
對鞋就放 Locker裡面 .
雖然收幾舊水 , 不過個Spa都見得人 , 泊得住大酒店 ,
但係唔知D水係正宗溫泉水還是水喉水 ?
燈飾好有 "青森" Feel , 勁 .
當時都唔睇時間咯 , 一於話之你 , 慢慢浸 & 慢慢食 .
浸完出去食早餐 , 裡面就係早餐處 .
介紹埋個早餐先 , 相片排名不分先後 .
(呢度食早餐都係要除鞋 , 對鞋在樓上Locker裡面)
返却口 .
果陣係A.M.8:45 , 早餐已經尾聲 .
部份冇晒都唔加料 .
不過都仲有好多款式 , 夠晒食咯 .
鮮奶都只係剩番些小 , 好彩都仲夠飲 .
湯 ~ 飯 ~ 粥 .
蛋 . (得番一隻)
第一轉 .
咖啡機 .
整番杯哩 .
Wi-Fi 任用 .
其他人走晒 , 快手D食 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~