2013/04/01

2013北海道&青森12天自駕遊(修訂版)D4-1奧尻島自駕遊篇




Hello !

上回講到食完早餐之後出去散步 , 呢篇繼續 .

今次散步時間只有15分鐘左右 , 因為尋日同旅館接洽時 , 

約定好十時集合 . 原以為租車公司會將部車駛黎呢度 , 

後尾至知道係攪錯 , 不過只屬小問題 .

好 ! 開始散步 ...

~~~~~~~~~~~~~~~~~~~~~~~~~~~~~~~~~~~~~~~~~~~

案內牌一個 , 旅館地點接近島頂端 , 距離碼頭幾分鐘車程 .


右轉 "球島山" , 就係呢個山 , 

尋日攪到我雞毛鴨血 , 今次一於要佢本利清還 .  ^^


遠睇間旅館唔係好大唶 , 點解可以間咁多間房 , 仲有個食堂 ?


去碼頭就係呢個方向 , 不過係咁咦行一陣 .


海邊小漁村襯海灘 , 加埋藍天白雲 , 將尋日既陰霾一掃而空 .


島上唔係咁多車 , 久不久先有部駛過 .


海洋神社 .


咦 ~ 日本共產黨 ? 

乜 "共產黨" 唔係內地獨有既咩 ? 真係孤陋寡聞 .


好一個海灘呀 .


有D似 "千里濱" 長灘 , 不過當然冇人咁有氣勢啦 .


睇完沙灘行番上旅館 , 見到部租車公司接送車 , 

先知自己會錯意 .唔緊要啦 .  ^_^ !!

同旅館道別後 , 坐上接送車 , 佢車我到租車公司 , 幾分鐘路程就到 .

叫做 : 高田商店 , 係唯一有網頁既租車公司 , 入到去接待處 , 

先講好D細則 , 包括租幾耐之類 , 我話租5個鐘 , 佢話 4500Yen , 

包保險不過唔包油 , 還車時唔該入滿 .

之後有個問題 , 就係佢問我拎 "護照" & "國際牌" 影印 .

"護照" 就冇難度 , 因為必定跟身 , 但係 "國際牌" 咯喎 , 

租了 AQUA 之後 , 個牌放在篋裡 , 而部車則泊在 "江差" 碼頭 .

咁就大鑊 , 如果佢企硬唔租 , 我都冇佢符 .  >_< !! 

(因為聽講日本人做事 , 板板都六十四 , 完全冇灣轉)

我話個 "國際牌" 在我停泊在 "江差" 碼頭部車裡面 , 俾條Keyless車匙佢睇 , 

再拎部相機出黎 , 播放之前影部車既相佢睇 , 幾乎聲淚俱下 . haha ...

佢話OK啦 , 咁先至鬆一口氣 , 俾晒錢及辦妥手續後 , 佢拎張地圖出黎 , 

講解邊度有旅遊景點 , 邊度有飯食 , 小心駕駛之類 , 最後就出門口取車 , 

由於得5個鐘時間 , 手續都去了半粒鐘 , 下午3點還車 , 4點上船 ,

所以真係要同時間競賽 , 上車後沿住海邊南下 , 好快就到第一個景點 , 

叫做 : "佐藤義則野球展示室" .

該處同 "海膽公園" 相連 , 即係話一個地方兩個景點 , 

不過未入去參觀之前 , 先介紹部車先 , 大家好 ~ 佢叫做 : Mira


車牌係 函館480 わ. 1  36    牌子係 DAIHATSU


在我自駕遊經驗裡 , 又多一款車 .


其實經過咁多次自駕經驗 , 已經變得草木皆兵 , 

任何車上手都冇問題 . 


包括埋冇GPS , 靠張地圖黎行都得 , 夠勁喇掛 .  ^_^ !!


攪掂就上去 , 第一站 : 佐藤義則野球展示室 . (入館無料)


其實野球 , 我諗應該係棒球 . 

至於乜野叫做 "全壘打" ? 聽就聽得多 , 相信問100個 "香港人" ,

未必有10個人可以俾到正確答案 .


櫃裡面放好多威水史 .


獎牌 & 獎狀又點小得 .


呢邊有D剪報 & 簽名 .


平成6年4月 , 祝150勝達成 , 佐藤義則投手 , 恭喜晒 !


真係好多獎項喎 .


電視講座 .


樓下參觀完 , 上最高展望台 .


不過上鎖 , 關係者以外 , 立入禁止 !


唔緊要啦 , 中層既景觀都唔錯 , 見唔見中間個Logo ,

臨走時我買了個水杯 , 印住呢個Q版海膽嘜頭 .


攪掂 "棒球館" , 輪到落下面 "海膽公園" .


就在下面 .


Bye Bye !

6 則留言:

  1. 請問您在奧尻島向哪一個租車公司租車?

    回覆刪除
    回覆
    1. Hello ! 我係幫襯一間叫做 高田商店 租車 , 由旅館介紹 .
      http://www.okushiri-rentacar.com/

      刪除
  2. 想問一下, 可以楂車由北海道本島到奧尻島嗎?

    回覆刪除
    回覆
    1. 唔好意思 , 隔咁耐至回覆 , 由北海道只能夠搭船往奧尻島 , 應該未有大橋直接通往 .
      如果自駕遊的話 , 可以連人帶車運過去 , 不過成本太高 , 唔多值得 , 所以唔推薦 .

      刪除
    2. 多謝解答,咁你另外一駕車就泊在北海島本島?

      刪除
    3. 唔駛客氣 , 係呀 ~ 之前租部車泊在碼頭 , 跟住搭船過去 , 碼頭有免費位 .
      如果有時間 , 可以參考呢篇 .
      http://1226manwai.blogspot.com/2013/08/2013_1000.html

      刪除

歡迎光臨 , 如果時間許可 , 請留番個言丫 ~