2013北海道&青森12天自駕遊(修訂版)D4-16函館往青森渡輪篇A

Hello !

上回講到乘渡輪返回 "江差" , 呢篇繼續 .

係咁咦影多兩張相之後 , 連隨前往 "函館" 碼頭 .

由 "江差" 往 "函館" , 路線唔係太多 , 其中一段係山路 , 

只靠路邊反光棍照明 , 自從經歷過上次 "知床通宵車" 訓練後 ,

已經無懼任何夜間駕駛 , 皆因更黑更冇街燈既都試過 .

對於夜間駕駛 , 我有小小心得 , 今次亦都用得著 , 大家不妨研究下 .

就係如果前面有車既話 , 最好就跟住佢尾 , (冇就冇得好講)

若然對方係高手就更好 , 吊住佢尾約莫十零個車位 , 

期間仲可以依照佢既跑法黎行 , 佢在邊個位著Brake燈 ,

照辦煮碗在果個位減速 , 夜媽媽自己做帶頭大哥既話 ,

萬一路上有動物經過 , 咁樣好易瀨野 , 大吉利是講句 , 

即使前車出事 , 跟住佢後面 , 都有足夠空間煞車嘛 .

今次在我前面果位正正就係高手 , 要跟住佢都有D吃力 , 

唯有盡力令佢唔好嚮我視線內消失 . 

~~~~~~~~~~~~~~~~~~~~~~~~~~~~~~~~~~~~~~~~~~~~~~

玩到差唔多出市區 , 前面多幾部車兼燈位 , 冇得玩咯 .

去到碼頭後 , 停在閘口前 , 拎定預先印好既訂位紙出黎 ,

將個QR碼對正掃描器一Do , 訂位資料出晒黎 ,

按掣印出船票及收據後 , 就可以泊埋一邊等候上船 .

就嚮度等啦 , 青森行22:05發 .

我都算早到架啦 , 豈料仲有部Prius早過我 .

隻船就嚮前面 .

船頭打開個口 , 好有型呀 .

襯仲有時間 , 過去影番Part相先 .  ^^

津輕海峽フェリー

隔離就係 "旅客中心" , 如果係Walk in , 就要入去購票 .

"旅客中心" 後面叫做 "恋人の聖地" ,

若然日頭黎既話 , 個景相信會唔錯 .

差唔多時間上船 , 等工作人員指示 .

上到船裡面 , 泊近出口位 , 落船都唔駛等咁耐 .

職員搵舊木攝住個轆 , 夠晒穩陣 .

鎖好車門就行得 .

跟大隊上上層客室 .

期間不斷有大貨車駛入 .

咪掛住影相 , 等埋呀 .

就係呢度 , 上去咯 .

有自動樓梯 , 唔駛行餐飽 .

隻船有兩層擺車 , 回程果次擺上層 .

暫時空空如也 .

唔知之後滿唔滿呢 ?

上多層自動樓梯 , 到達客室大堂 .

Bye Bye !