Hello !
上回講到參觀完 "宮津弁天宮" , 呢篇繼續 .
順路去番旅館與眾人道別 , 繼續向前行 ,
終於都黎到 "奧尻島" 呢度既壓軸景點 "鍋釣岩" .
由於呢度實在太正 , 所以放多幾張相上黎 ,
部份可能會重覆 , 就當睇多次啦 .
首先係招牌一個 .
各位觀眾 : 奧尻島鍋釣岩 , 係咪好過癮呢 ?
Zoom近D睇 , 一陣會以多角度黎參觀佢 .
再黎全島案內圖一張 .
呢個位相信係要黎影團體相 .
左手邊係碼頭 .
下面係方糖型石粒 .
右手邊最遠果度 , 就係最初到既 "佐藤義則野球展示室" .
直望當然係主角 : 鍋釣岩啦 .
再黎多張 .
Zoom到最盡 .
過另一邊換個角度 .
咦 ~ 唔見個窿既 ? 當然唔係啦 , 只係角度問題 .
呢邊可以行落海 .
如果識游水 , 可以游埋上去個鑊耳果度 , 好近架咋 .
短短地既海岸線 .
右邊係頭先團體相果度 .
再黎 .
頭頂有D植物嚮度 .
淨係得右手邊果小小 , 又會咁既 ?
咁樣既洗手間 , 我就唔敢去 . =_= !!
最後一個景點都攪掂埋 , 可以還車 .
記低個車牌 , 日後大家若然租到呢部車 ,
唔該話俾我知部車係四座位還是兩座位 , 麻煩晒 .
還車前仲有一件事要做 , 就係入油 .
之前講過 , 習慣上我鍾意幫襯ENEOS入油 ,
只要有得揀 , 一定幫襯佢 , 冇得解釋 .
入滿丫 , 唔該 . (盛惠1023Yen)
都幾貴喎 , 算啦 ~ 玩得咁開心 , 佢話幾多就幾多 .
高田商店 , 今次就係幫襯佢租車 .
5粒鐘4500Yen唔包油 , 話平唔平 , 話貴唔貴咁啦 ,
點都好過租單車 , 平係平D , 不過可能腳都軟埋 .
還完車之後 , 正想拎番件行李出黎 . (其實只係背囊一個)
租車老闆話車我出碼頭 , 咁正 ? 唔該晒喎 .
雖然行番碼頭都唔算太遠 , 不過有便宜 , 當然唔駛洗頸啦 .
開車期間 , 佢問我打後行程去邊度呀 ?
我想話 "函館" , 不過 ... "函館" 日文點講呢 ?
印象中好似叫做 : hako ... 之後既唔記得 .
好彩佢醒爬 , 聽到前段識得幫我接埋落去 ,
原來係 hakodate , 真係俾佢考起 . XD
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~