Hello !
上回講到介紹完房間後即刻出發 , 呢篇繼續 .
第一站係去入油 , 入完油先至係正式行程 ,
暫時呢一刻都仲幾好天氣 , 到近黃昏果陣就冇咁著數咯 .
不過都未至於傾盆大雨 . =_= !!
今次呢程話就話 "北海道+青森" ,
不過 "青森" 呢段只不過係點到即止 ,
就好似依家就要離開 "青森" 市中心 , 沿住海邊北上 ,
去到一個叫做 "蟹田港" 既地方 .
180度咁欣賞呢個海港 , 先黎右邊 .
跟住係中間 .
最後係左邊 , 唔錯哩 . (D浪聲好好聽)
參觀完 "蟹田港" , 好快就到下一站 , 先去一去洗手間 .
咁大個停車場 , 只係得兩部車 ,
一部係我既 AQUA , 另一部係 Vitz .
之前唔知有冇講過 , 第一代既 Vitz , 好鬼死 "娘" ,
不過新一代就完全唔同 , 擺脫晒D "娘" 味不特止 ,
仲好鬼死型 , 不如介紹埋佢 .
青森500 わ52-19 , 一睇個わ字 , 就知係出租車輛 .
而租車果兩位以日語交談 , 好有可能係本地人 .
所以租車唔一定係 "外國人" , 本地人都要租車遊覽 .
連車尾都咁有型 , 越睇越鍾意 . ^^
不過佢只係普通車 , 並非混能車 .
車內情況 , 反光睇得唔清楚 .
呢度當然唔止得個洗手間咁簡單啦 .
該處叫做 "平館燈台" , 係一個純白色既燈塔 , 點解有D燈塔紅白間 ,
有D黑白間 , 呢個就純白呢 ? 當中有冇乜野含意 ?
過幾日即使參觀埋 "惠山岬" 既 "燈塔資料館" , 都搵唔到答案 .
平館燈塔 .
寫住D乜 ? 唔係好清楚 .
呢張清楚好多 .
出面仲有個海皮 .
老規矩 , 又係由右至左咁影過去 .
對面並非 "北海道" , 而係下北半島既 "脇野沢" .
真係可以行落海架 .
最後係左邊 .
黎多張 , "平館燈台" .
最後一擊 .
龍飛 , 右邊丫 , 唔該 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~