Hello !
上回講到參觀完 "球島山" , 呢篇繼續 .
落山繼續行程 . 經過一個招牌 , 順手有照 .
之前咪話想租單車環島遊既 , 我就失敗左 .
呢位仁兄幫我報仇 , 話時話 ~ 始終都係租車方便D ,
又上斜又落斜 , 你估我係 "李慧詩" 咩 ? XD
再行多一陣 , 見到有D野 , 非停低影相不可 .
就咁擺部車在路中落車影相都得 , 果度咁人跡罕至 ,
想有車經過砵我都唔係咁容易 .
見到乜野咁巴閉 , 非停車不可 ?
之唔係佢囉 . Yeah !
Wow ~ 駛唔駛走呀 ? 乜我好得人驚咩 ?
呢邊仲有好多 .
Zoom近D睇 , 有黃色有黑色 , 唔通唔同品種 ?
有晒圍欄咪幾好 , 唔似得 "香港" D牛咁四圍走 ,
隨時俾D無良友車死幾件 , D人真係衰到冇朋友 . >_< !!
牛呢樣野 , 街市就見唔小 , 真係生勾勾既牛 , 見到既機會唔多 .
所以一於盡情咁影 .
呢張我鍾意 .
左邊果三隻好似一家三口 . ^_^ !!
離開牧場之後 , 有一段路係碎石路 , 黐線架 .
呢度既 "路政署" 好窮咩 ? 咁都唔執番好佢 , 想震死人咩 .
捱完段石仔路 , 震到骨都散埋 , 終於都見番條沿海路線 .
好一個亂石灘 .
好耐冇見過海 , 影多幾張先 .
想落埋去游水添 . haha ...
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~