Hello !
上回講到一齊衝上 "球島山" 山頂 , 呢篇繼續 .
上到山頂 , 最搶眼莫過於呢個方位 , 又有山又有海之餘 ,
仲有呢度既招牌 , 想唔影多幾張都唔得 . ^_^ !!
可能係季節唔同啦 , 下面張相係網上搵既 .
雖然係同一個地方 , 不過在綠草如茵襯托之下靚幾多 .
雖然係咁 , 不過都介紹個山頂 , 呢度地方唔算好大 ,
而且三面望海 , 只有一邊睇唔到海 ,
以下係佢既360度方向咁睇 , 相片排名不分先後 .
四方一舊石 , 頂上刻住個十字 , 係乜野黎呢 ?
球島山 369.3m (當日 "藻岩山" 都有 531.03m)
呢個高度 , 在島上已經坐亞望冠 .
見唔見到右手邊近岸有D乜 ?
就係 "鍋釣岩" ! 係島上最後一個景點 ,
一陣參觀埋佢就還車往碼頭搭船 .
招牌背後都唔放過 . ^^
下面 369.03m 果塊牌 , 唔係釘得好穩陣架咋 ,
上面果塊就仲牙煙 , 好似就黎斷放兩塊咁 , 搵人執執佢好喎 .
呢個方向應該係望向南面 , 盡頭係頭先 "津波館" 咁上下 .
D草仲係黃禽禽 , 幾時至變成綠油油 ?
下面係停車場 .
海天一色就係咁解 .
再向後行就轆落山 . XD
塊牌係咪爆爆地呢 .
呢塊係咪歪歪地呢 .
最後一張 , 有影襯手 ,
遲D風季塊牌可能唔知吹左去邊 . haha ...
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~